Aṅguttara Nikāya 10 · AN10.88

完整巴利原文 · 稳定分页　当前仅加载第 90 阅读页；保留 Bilara 原生段落标识，每页最多 120 段。

0.1

Aṅguttara Nikāya 10.88

an10.88:0.1

0.2

9. Theravagga

an10.88:0.2

0.3

Akkosakasutta

an10.88:0.3

1.1

“Yo so, bhikkhave, bhikkhu akkosakaparibhāsako ariyūpavādī sabrahmacārīnaṁ ṭhānametaṁ avakāso yaṁ so dasannaṁ byasanānaṁ aññataraṁ byasanaṁ nigaccheyya.

an10.88:1.1

1.2

Katamesaṁ dasannaṁ?

an10.88:1.2

1.3

Anadhigataṁ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti anabhirato vā brahmacariyaṁ carati, aññataraṁ vā saṅkiliṭṭhaṁ āpattiṁ āpajjati, gāḷhaṁ vā rogātaṅkaṁ phusati, ummādaṁ vā pāpuṇāti cittakkhepaṁ, sammūḷho kālaṁ karoti, kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.

an10.88:1.3

1.4

Yo so, bhikkhave, bhikkhu akkosakaparibhāsako ariyūpavādī sabrahmacārīnaṁ, ṭhānametaṁ avakāso yaṁ so imesaṁ dasannaṁ byasanānaṁ aññataraṁ byasanaṁ nigaccheyyā”ti.

an10.88:1.4

1.5

Aṭṭhamaṁ.

an10.88:1.5