Aṅguttara Nikāya 4 · AN4.84

完整巴利原文 · 稳定分页　当前仅加载第 84 阅读页；保留 Bilara 原生段落标识，每页最多 120 段。

0.1

Aṅguttara Nikāya 4.84

0.2

9. Macalavagga

0.3

Kodhagarusutta

1.1

“Catūhi, bhikkhave, dhammehi samannāgato yathābhataṁ nikkhitto evaṁ niraye.

1.2

Katamehi catūhi?

1.3

Kodhagaru hoti na saddhammagaru, makkhagaru hoti na saddhammagaru, lābhagaru hoti na saddhammagaru, sakkāragaru hoti na saddhammagaru—

1.4

imehi kho, bhikkhave, catūhi dhammehi samannāgato yathābhataṁ nikkhitto evaṁ niraye.

2.1

Catūhi, bhikkhave, dhammehi samannāgato yathābhataṁ nikkhitto evaṁ sagge.

2.2

Katamehi catūhi?

2.3

Saddhammagaru hoti na kodhagaru, saddhammagaru hoti na makkhagaru, saddhammagaru hoti na lābhagaru, saddhammagaru hoti na sakkāragaru—

2.4

imehi kho, bhikkhave, catūhi dhammehi samannāgato yathābhataṁ nikkhitto evaṁ sagge”ti.

2.5

Catutthaṁ.