Aṅguttara Nikāya 4 · AN4.92 · Paṭhamasamādhisutta

完整巴利原文 · 稳定分页　当前仅加载第 92 阅读页；保留 Bilara 原生段落标识，每页最多 120 段。

0.1

Aṅguttara Nikāya 4.92

0.2

10. Asuravagga

0.3

Paṭhamasamādhisutta

1.1

“Cattārome, bhikkhave, puggalā santo saṁvijjamānā lokasmiṁ.

1.2

Katame cattāro?

1.3

Idha, bhikkhave, ekacco puggalo lābhī hoti ajjhattaṁ cetosamathassa, na lābhī adhipaññādhammavipassanāya.

1.4

Idha pana, bhikkhave, ekacco puggalo lābhī hoti adhipaññādhammavipassanāya, na lābhī ajjhattaṁ cetosamathassa.

1.5

Idha pana, bhikkhave, ekacco puggalo na ceva lābhī hoti ajjhattaṁ cetosamathassa na ca lābhī adhipaññādhammavipassanāya.

1.6

Idha pana, bhikkhave, ekacco puggalo lābhī ceva hoti ajjhattaṁ cetosamathassa lābhī ca adhipaññādhammavipassanāya.

1.7

Ime kho, bhikkhave, cattāro puggalā santo saṁvijjamānā lokasmin”ti.

1.8

Dutiyaṁ.