增支部第 5 集

Aṅguttara Nikāya 5.70

7. Saññāvagga

Āsavakkhayasutta

“Pañcime, bhikkhave, dhammā bhāvitā bahulīkatā āsavānaṁ khayāya saṁvattanti.

Katame pañca?

Idha, bhikkhave, bhikkhu asubhānupassī kāye viharati, āhāre paṭikūlasaññī, sabbaloke anabhiratasaññī, sabbasaṅkhāresu aniccānupassī, maraṇasaññā kho panassa ajjhattaṁ sūpaṭṭhitā hoti.

Ime kho, bhikkhave, pañca dhammā bhāvitā bahulīkatā āsavānaṁ khayāya saṁvattantī”ti.

Dasamaṁ.

Saññāvaggo dutiyo.

Tassuddānaṁ

Dve ca saññā dve vaḍḍhī ca,

sākacchena ca sājīvaṁ;

Iddhipādā ca dve vuttā,

nibbidā cāsavakkhayāti.