Aṅguttara Nikāya 5 · AN5.158

完整巴利原文 · 稳定分页　当前仅加载第 159 阅读页；保留 Bilara 原生段落标识，每页最多 120 段。

0.1

Aṅguttara Nikāya 5.158

0.2

16. Saddhammavagga

0.3

Sārajjasutta

1.1

“Pañcahi, bhikkhave, dhammehi samannāgato bhikkhu sārajjaṁ okkanto hoti.

1.2

Katamehi pañcahi?

1.3

Idha, bhikkhave, bhikkhu assaddho hoti, dussīlo hoti, appassuto hoti, kusīto hoti, duppañño hoti.

1.4

Imehi kho, bhikkhave, pañcahi, dhammehi samannāgato bhikkhu sārajjaṁ okkanto hoti.

2.1

Pañcahi, bhikkhave, dhammehi samannāgato bhikkhu visārado hoti.

2.2

Katamehi pañcahi?

2.3

Idha, bhikkhave, bhikkhu saddho hoti, sīlavā hoti, bahussuto hoti, āraddhavīriyo hoti, paññavā hoti.

2.4

Imehi kho, bhikkhave, pañcahi dhammehi samannāgato bhikkhu visārado hotī”ti.

2.5

Aṭṭhamaṁ.