Aṅguttara Nikāya 5 · AN5.203 · Assājānīyasutta

完整巴利原文 · 稳定分页　当前仅加载第 204 阅读页；保留 Bilara 原生段落标识，每页最多 120 段。

0.1

Aṅguttara Nikāya 5.203

0.2

21. Kimilavagga

0.3

Assājānīyasutta

1.1

“Pañcahi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṁ gacchati.

2.1

Katamehi pañcahi?

2.2

Ajjavena, javena, maddavena, khantiyā, soraccena—

2.3

imehi kho, bhikkhave, pañcahi aṅgehi samannāgato rañño bhadro assājānīyo rājāraho hoti rājabhoggo, rañño aṅgantveva saṅkhaṁ gacchati.

2.4

Evamevaṁ kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa.

3.1

Katamehi pañcahi?

3.2

Ajjavena, javena, maddavena, khantiyā, soraccena—

3.3

imehi kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassā”ti.

3.4

Tatiyaṁ.