完整巴利原文 · 稳定分页 当前仅加载第 224 阅读页；保留 Bilara 原生段落标识，每页最多 120 段。
Aṅguttara Nikāya 5.223
an5.223:0.123. Dīghacārikavagga
an5.223:0.2Atinivāsasutta
an5.223:0.3“Pañcime, bhikkhave, ādīnavā atinivāse.
an5.223:1.1Katame pañca?
an5.223:1.2Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇīyo byatto kiṅkaraṇīyesu, saṁsaṭṭho viharati gahaṭṭhapabbajitehi ananulomikena gihisaṁsaggena, tamhā ca āvāsā pakkamanto sāpekkho pakkamati.
an5.223:1.3Ime kho, bhikkhave, pañca ādīnavā atinivāse.
an5.223:1.4Pañcime, bhikkhave, ānisaṁsā samavatthavāse.
an5.223:2.1Katame pañca?
an5.223:2.2Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇīyo na byatto kiṅkaraṇīyesu, asaṁsaṭṭho viharati gahaṭṭhapabbajitehi ananulomikena gihisaṁsaggena, tamhā ca āvāsā pakkamanto anapekkho pakkamati.
an5.223:2.3Ime kho, bhikkhave, pañca ānisaṁsā samavatthavāse”ti.
an5.223:2.4Tatiyaṁ.
an5.223:2.5