完整巴利原文 · 稳定分页 当前仅加载第 1 阅读页；保留 Bilara 原生段落标识，每页最多 120 段。
Dīgha Nikāya 11
dn11:0.1Kevaṭṭasutta
dn11:0.2Evaṁ me sutaṁ—
dn11:1.1ekaṁ samayaṁ bhagavā nāḷandāyaṁ viharati pāvārikambavane.
dn11:1.2Atha kho kevaṭṭo gahapatiputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho kevaṭṭo gahapatiputto bhagavantaṁ etadavoca:
dn11:1.3“ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.
dn11:1.4Sādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati;
dn11:1.5evāyaṁ nāḷandā bhiyyoso mattāya bhagavati abhippasīdissatī”ti.
dn11:1.6Evaṁ vutte, bhagavā kevaṭṭaṁ gahapatiputtaṁ etadavoca:
dn11:1.7“na kho ahaṁ, kevaṭṭa, bhikkhūnaṁ evaṁ dhammaṁ desemi:
dn11:1.8‘etha tumhe, bhikkhave, gihīnaṁ odātavasanānaṁ uttari manussadhammā iddhipāṭihāriyaṁ karothā’”ti.
dn11:1.9Dutiyampi kho kevaṭṭo gahapatiputto bhagavantaṁ etadavoca:
dn11:2.1“nāhaṁ, bhante, bhagavantaṁ dhaṁsemi;
dn11:2.2api ca evaṁ vadāmi:
dn11:2.3‘ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.
dn11:2.4Sādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati;
dn11:2.5evāyaṁ nāḷandā bhiyyoso mattāya bhagavati abhippasīdissatī’”ti.
dn11:2.6Dutiyampi kho bhagavā kevaṭṭaṁ gahapatiputtaṁ etadavoca:
dn11:2.7“na kho ahaṁ, kevaṭṭa, bhikkhūnaṁ evaṁ dhammaṁ desemi:
dn11:2.8‘etha tumhe, bhikkhave, gihīnaṁ odātavasanānaṁ uttari manussadhammā iddhipāṭihāriyaṁ karothā’”ti.
dn11:2.9Tatiyampi kho kevaṭṭo gahapatiputto bhagavantaṁ etadavoca:
dn11:3.1“nāhaṁ, bhante, bhagavantaṁ dhaṁsemi;
dn11:3.2api ca evaṁ vadāmi:
dn11:3.3‘ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.
dn11:3.4Sādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati.
dn11:3.5Evāyaṁ nāḷandā bhiyyoso mattāya bhagavati abhippasīdissatī’”ti.
dn11:3.61. Iddhipāṭihāriya
dn11:3.7.0“Tīṇi kho imāni, kevaṭṭa, pāṭihāriyāni mayā sayaṁ abhiññā sacchikatvā paveditāni.
dn11:3.8Katamāni tīṇi?
dn11:3.9Iddhipāṭihāriyaṁ, ādesanāpāṭihāriyaṁ, anusāsanīpāṭihāriyaṁ.
dn11:3.10Katamañca, kevaṭṭa, iddhipāṭihāriyaṁ?
dn11:4.1Idha, kevaṭṭa, bhikkhu anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti; āvibhāvaṁ tirobhāvaṁ tirokuṭṭaṁ tiropākāraṁ tiropabbataṁ asajjamāno gacchati seyyathāpi ākāse; pathaviyāpi ummujjanimujjaṁ karoti seyyathāpi udake; udakepi abhijjamāne gacchati seyyathāpi pathaviyaṁ; ākāsepi pallaṅkena kamati seyyathāpi pakkhī sakuṇo; imepi candimasūriye evaṁ mahiddhike evaṁ mahānubhāve pāṇinā parāmasati parimajjati; yāva brahmalokāpi kāyena vasaṁ vatteti.
dn11:4.2Tamenaṁ aññataro saddho pasanno passati taṁ bhikkhuṁ anekavihitaṁ iddhividhaṁ paccanubhontaṁ—ekopi hutvā bahudhā hontaṁ, bahudhāpi hutvā eko hontaṁ; āvibhāvaṁ tirobhāvaṁ; tirokuṭṭaṁ tiropākāraṁ tiropabbataṁ asajjamānaṁ gacchantaṁ seyyathāpi ākāse; pathaviyāpi ummujjanimujjaṁ karontaṁ seyyathāpi udake; udakepi abhijjamāne gacchantaṁ seyyathāpi pathaviyaṁ; ākāsepi pallaṅkena kamantaṁ seyyathāpi pakkhī sakuṇo; imepi candimasūriye evaṁ mahiddhike evaṁ mahānubhāve pāṇinā parāmasantaṁ parimajjantaṁ yāva brahmalokāpi kāyena vasaṁ vattentaṁ.
dn11:4.3Tamenaṁ so saddho pasanno aññatarassa assaddhassa appasannassa āroceti:
dn11:4.4‘acchariyaṁ vata bho, abbhutaṁ vata bho, samaṇassa mahiddhikatā mahānubhāvatā.
dn11:4.5Amāhaṁ bhikkhuṁ addasaṁ anekavihitaṁ iddhividhaṁ paccanubhontaṁ—ekopi hutvā bahudhā hontaṁ, bahudhāpi hutvā eko hontaṁ …pe… yāva brahmalokāpi kāyena vasaṁ vattentan’ti.
dn11:4.6Tamenaṁ so assaddho appasanno taṁ saddhaṁ pasannaṁ evaṁ vadeyya:
dn11:5.1‘atthi kho, bho, gandhārī nāma vijjā.
dn11:5.2Tāya so bhikkhu anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti …pe… yāva brahmalokāpi kāyena vasaṁ vattetī’ti.
dn11:5.3Taṁ kiṁ maññasi, kevaṭṭa,
dn11:5.4api nu so assaddho appasanno taṁ saddhaṁ pasannaṁ evaṁ vadeyyā”ti?
dn11:5.5“Vadeyya, bhante”ti.
dn11:5.6“Imaṁ kho ahaṁ, kevaṭṭa, iddhipāṭihāriye ādīnavaṁ sampassamāno iddhipāṭihāriyena aṭṭīyāmi harāyāmi jigucchāmi.
dn11:5.72. Ādesanāpāṭihāriya
dn11:6.0Katamañca, kevaṭṭa, ādesanāpāṭihāriyaṁ?
dn11:6.1Idha, kevaṭṭa, bhikkhu parasattānaṁ parapuggalānaṁ cittampi ādisati, cetasikampi ādisati, vitakkitampi ādisati, vicāritampi ādisati:
dn11:6.2‘evampi te mano, itthampi te mano, itipi te cittan’ti.
dn11:6.3Tamenaṁ aññataro saddho pasanno passati taṁ bhikkhuṁ parasattānaṁ parapuggalānaṁ cittampi ādisantaṁ, cetasikampi ādisantaṁ, vitakkitampi ādisantaṁ, vicāritampi ādisantaṁ:
dn11:6.4‘evampi te mano, itthampi te mano, itipi te cittan’ti.
dn11:6.5Tamenaṁ so saddho pasanno aññatarassa assaddhassa appasannassa āroceti:
dn11:6.6‘acchariyaṁ vata bho, abbhutaṁ vata bho, samaṇassa mahiddhikatā mahānubhāvatā.
dn11:6.7Amāhaṁ bhikkhuṁ addasaṁ parasattānaṁ parapuggalānaṁ cittampi ādisantaṁ, cetasikampi ādisantaṁ, vitakkitampi ādisantaṁ, vicāritampi ādisantaṁ:
dn11:6.8“evampi te mano, itthampi te mano, itipi te cittan”’ti.
dn11:6.9Tamenaṁ so assaddho appasanno taṁ saddhaṁ pasannaṁ evaṁ vadeyya:
dn11:7.1‘atthi kho, bho, maṇikā nāma vijjā;
dn11:7.2tāya so bhikkhu parasattānaṁ parapuggalānaṁ cittampi ādisati, cetasikampi ādisati, vitakkitampi ādisati, vicāritampi ādisati:
dn11:7.3“evampi te mano, itthampi te mano, itipi te cittan”’ti.
dn11:7.4Taṁ kiṁ maññasi, kevaṭṭa,
dn11:7.5api nu so assaddho appasanno taṁ saddhaṁ pasannaṁ evaṁ vadeyyā”ti?
dn11:7.6“Vadeyya, bhante”ti.
dn11:7.7“Imaṁ kho ahaṁ, kevaṭṭa, ādesanāpāṭihāriye ādīnavaṁ sampassamāno ādesanāpāṭihāriyena aṭṭīyāmi harāyāmi jigucchāmi.
dn11:7.83. Anusāsanīpāṭihāriya
dn11:8.0Katamañca, kevaṭṭa, anusāsanīpāṭihāriyaṁ?
dn11:8.1Idha, kevaṭṭa, bhikkhu evamanusāsati:
dn11:8.2‘evaṁ vitakketha, mā evaṁ vitakkayittha, evaṁ manasikarotha, mā evaṁ manasākattha, idaṁ pajahatha, idaṁ upasampajja viharathā’ti.
dn11:8.3Idaṁ vuccati, kevaṭṭa, anusāsanīpāṭihāriyaṁ.
dn11:8.4Puna caparaṁ, kevaṭṭa, idha tathāgato loke uppajjati arahaṁ sammāsambuddho …pe…
dn11:9-66.1Evaṁ kho, kevaṭṭa, bhikkhu sīlasampanno hoti …pe…
dn11:9-66.2paṭhamaṁ jhānaṁ upasampajja viharati.
dn11:9-66.3Idampi vuccati, kevaṭṭa, anusāsanīpāṭihāriyaṁ …pe…
dn11:9-66.4dutiyaṁ jhānaṁ …pe…
dn11:9-66.5tatiyaṁ jhānaṁ …pe…
dn11:9-66.6catutthaṁ jhānaṁ upasampajja viharati.
dn11:9-66.7Idampi vuccati, kevaṭṭa, anusāsanīpāṭihāriyaṁ …pe…
dn11:9-66.8ñāṇadassanāya cittaṁ abhinīharati abhininnāmeti …pe…
dn11:9-66.9idampi vuccati, kevaṭṭa, anusāsanīpāṭihāriyaṁ …pe…
dn11:9-66.10nāparaṁ itthattāyāti pajānāti …pe…
dn11:9-66.11idampi vuccati, kevaṭṭa, anusāsanīpāṭihāriyaṁ.
dn11:9-66.12Imāni kho, kevaṭṭa, tīṇi pāṭihāriyāni mayā sayaṁ abhiññā sacchikatvā paveditāni.
dn11:67.14. Bhūtanirodhesakabhikkhuvatthu
dn11:67.2.0Bhūtapubbaṁ, kevaṭṭa, imasmiññeva bhikkhusaṅghe aññatarassa bhikkhuno evaṁ cetaso parivitakko udapādi:
dn11:67.3‘kattha nu kho ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?
dn11:67.4Atha kho so, kevaṭṭa, bhikkhu tathārūpaṁ samādhiṁ samāpajji, yathāsamāhite citte devayāniyo maggo pāturahosi.
dn11:68.1Atha kho so, kevaṭṭa, bhikkhu yena cātumahārājikā devā tenupasaṅkami; upasaṅkamitvā cātumahārājike deve etadavoca:
dn11:68.2‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?
dn11:68.3Evaṁ vutte, kevaṭṭa, cātumahārājikā devā taṁ bhikkhuṁ etadavocuṁ:
dn11:68.4‘mayampi kho, bhikkhu, na jānāma:
dn11:68.5“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.
dn11:68.6Atthi kho, bhikkhu, cattāro mahārājāno amhehi abhikkantatarā ca paṇītatarā ca.
dn11:68.7Te kho etaṁ jāneyyuṁ:
dn11:68.8“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.
dn11:68.9Atha kho so, kevaṭṭa, bhikkhu yena cattāro mahārājāno tenupasaṅkami; upasaṅkamitvā cattāro mahārāje etadavoca:
dn11:69.1‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?
dn11:69.2Evaṁ vutte, kevaṭṭa, cattāro mahārājāno taṁ bhikkhuṁ etadavocuṁ:
dn11:69.3‘mayampi kho, bhikkhu, na jānāma:
dn11:69.4“yatthime cattāro mahābhūtā aparisesā nirujjhanti, seyyathidaṁ—pathavīdhātu, āpodhātu tejodhātu vāyodhātū”ti.
dn11:69.5Atthi kho, bhikkhu, tāvatiṁsā nāma devā amhehi abhikkantatarā ca paṇītatarā ca.
dn11:69.6Te kho etaṁ jāneyyuṁ:
dn11:69.7“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.
dn11:69.8Atha kho so, kevaṭṭa, bhikkhu yena tāvatiṁsā devā tenupasaṅkami; upasaṅkamitvā tāvatiṁse deve etadavoca:
dn11:70.1‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?
dn11:70.2Evaṁ vutte, kevaṭṭa, tāvatiṁsā devā taṁ bhikkhuṁ etadavocuṁ:
dn11:70.3‘mayampi kho, bhikkhu, na jānāma:
dn11:70.4“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.
dn11:70.5Atthi kho, bhikkhu, sakko nāma devānamindo amhehi abhikkantataro ca paṇītataro ca.
dn11:70.6So kho etaṁ jāneyya:
dn11:70.7“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.
dn11:70.8Atha kho so, kevaṭṭa, bhikkhu yena sakko devānamindo tenupasaṅkami; upasaṅkamitvā sakkaṁ devānamindaṁ etadavoca:
dn11:71.1‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?
dn11:71.2Evaṁ vutte, kevaṭṭa, sakko devānamindo taṁ bhikkhuṁ etadavoca:
dn11:71.3‘ahampi kho, bhikkhu, na jānāmi:
dn11:71.4“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.
dn11:71.5Atthi kho, bhikkhu, yāmā nāma devā …pe…
dn11:72.1suyāmo nāma devaputto …
dn11:73.1tusitā nāma devā …
dn11:74.1santussito nāma devaputto …
dn11:75.1nimmānaratī nāma devā …
dn11:76.1sunimmito nāma devaputto …
dn11:77.1paranimmitavasavattī nāma devā …
dn11:77.2vasavattī nāma devaputto amhehi abhikkantataro ca paṇītataro ca.
dn11:78.1