完整巴利原文 · 稳定分页 当前仅加载第 3 阅读页；保留 Bilara 原生段落标识，每页最多 120 段。
Puna caparaṁ, vāseṭṭha, bhikkhu karuṇāsahagatena cetasā …pe…
dn13:78.1muditāsahagatena cetasā …pe…
dn13:78.2upekkhāsahagatena cetasā ekaṁ disaṁ pharitvā viharati. Tathā dutiyaṁ. Tathā tatiyaṁ. Tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.
dn13:78.3Seyyathāpi, vāseṭṭha, balavā saṅkhadhamo appakasireneva catuddisā viññāpeyya;
dn13:79.1evameva kho, vāseṭṭha, evaṁ bhāvitāya upekkhāya cetovimuttiyā yaṁ pamāṇakataṁ kammaṁ na taṁ tatrāvasissati, na taṁ tatrāvatiṭṭhati.
dn13:79.2Ayampi kho, vāseṭṭha, brahmānaṁ sahabyatāya maggo.
dn13:79.3Taṁ kiṁ maññasi, vāseṭṭha,
dn13:80.1evaṁvihārī bhikkhu sapariggaho vā apariggaho vā”ti?
dn13:80.2“Apariggaho, bho gotama”.
dn13:80.3“Saveracitto vā averacitto vā”ti?
dn13:80.4“Averacitto, bho gotama”.
dn13:80.5“Sabyāpajjacitto vā abyāpajjacitto vā”ti?
dn13:80.6“Abyāpajjacitto, bho gotama”.
dn13:80.7“Saṅkiliṭṭhacitto vā asaṅkiliṭṭhacitto vā”ti?
dn13:80.8“Asaṅkiliṭṭhacitto, bho gotama”.
dn13:80.9“Vasavattī vā avasavattī vā”ti?
dn13:80.10“Vasavattī, bho gotama”.
dn13:80.11“Iti kira, vāseṭṭha, apariggaho bhikkhu, apariggaho brahmā.
dn13:81.1Api nu kho apariggahassa bhikkhuno apariggahena brahmunā saddhiṁ saṁsandati sametī”ti?
dn13:81.2“Evaṁ, bho gotama”.
dn13:81.3“Sādhu, vāseṭṭha, so vata vāseṭṭha apariggaho bhikkhu kāyassa bhedā paraṁ maraṇā apariggahassa brahmuno sahabyūpago bhavissatīti, ṭhānametaṁ vijjati.
dn13:81.4Iti kira, vāseṭṭha, averacitto bhikkhu, averacitto brahmā …pe…
dn13:81.5abyāpajjacitto bhikkhu, abyāpajjacitto brahmā …
dn13:81.6asaṅkiliṭṭhacitto bhikkhu, asaṅkiliṭṭhacitto brahmā …
dn13:81.7vasavattī bhikkhu, vasavattī brahmā, api nu kho vasavattissa bhikkhuno vasavattinā brahmunā saddhiṁ saṁsandati sametī”ti?
dn13:81.8“Evaṁ, bho gotama”.
dn13:81.9“Sādhu, vāseṭṭha, so vata, vāseṭṭha, vasavattī bhikkhu kāyassa bhedā paraṁ maraṇā vasavattissa brahmuno sahabyūpago bhavissatīti, ṭhānametaṁ vijjatī”ti.
dn13:81.10Evaṁ vutte, vāseṭṭhabhāradvājā māṇavā bhagavantaṁ etadavocuṁ:
dn13:82.1“abhikkantaṁ, bho gotama, abhikkantaṁ, bho gotama.
dn13:82.2Seyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.
dn13:82.3Ete mayaṁ bhavantaṁ gotamaṁ saraṇaṁ gacchāma, dhammañca bhikkhusaṅghañca.
dn13:82.4Upāsake no bhavaṁ gotamo dhāretu ajjatagge pāṇupete saraṇaṁ gate”ti.
dn13:82.5Tevijjasuttaṁ niṭṭhitaṁ terasamaṁ.
dn13:82.6Sīlakkhandhavaggo niṭṭhito.
dn13:82.7Tassuddānaṁ
dn13:83.0Brahmāsāmaññaambaṭṭha,
dn13:83.1Soṇakūṭamahālijālinī;
dn13:83.2Sīhapoṭṭhapādasubho kevaṭṭo,
dn13:83.3Lohiccatevijjā terasāti.
dn13:83.4Sīlakkhandhavaggapāḷi niṭṭhitā.
dn13:83.5