完整巴利原文 · 稳定分页 当前仅加载第 105 阅读页；保留 Bilara 原生段落标识，每页最多 120 段。
Itivuttaka 105
iti105:0.1Catukkanipāta
iti105:0.2Brāhmaṇadhammayāgavagga
iti105:0.3Taṇhuppādasutta
iti105:0.4Vuttañhetaṁ bhagavatā vuttamarahatāti me sutaṁ:
iti105:1.1“Cattārome, bhikkhave, taṇhuppādā, yattha bhikkhuno taṇhā uppajjamānā uppajjati.
iti105:2.1Katame cattāro?
iti105:2.2Cīvarahetu vā, bhikkhave, bhikkhuno taṇhā uppajjamānā uppajjati;
iti105:2.3piṇḍapātahetu vā, bhikkhave, bhikkhuno taṇhā uppajjamānā uppajjati;
iti105:2.4senāsanahetu vā, bhikkhave, bhikkhuno taṇhā uppajjamānā uppajjati;
iti105:2.5itibhavābhavahetu vā, bhikkhave, bhikkhuno taṇhā uppajjamānā uppajjati.
iti105:2.6Ime kho, bhikkhave, cattāro taṇhuppādā yattha bhikkhuno taṇhā uppajjamānā uppajjatī”ti.
iti105:2.7Etamatthaṁ bhagavā avoca.
iti105:2.8Tatthetaṁ iti vuccati:
iti105:2.9“Taṇhādutiyo puriso,
iti105:3.1dīghamaddhāna saṁsaraṁ;
iti105:3.2Itthabhāvaññathābhāvaṁ,
iti105:3.3saṁsaraṁ nātivattati.
iti105:3.4Etamādīnavaṁ ñatvā,
iti105:4.1taṇhaṁ dukkhassa sambhavaṁ;
iti105:4.2Vītataṇho anādāno,
iti105:4.3sato bhikkhu paribbaje”ti.
iti105:4.4Ayampi attho vutto bhagavatā, iti me sutanti.
iti105:5.1Chaṭṭhaṁ.
iti105:5.2