完整巴利原文 · 稳定分页 当前仅加载第 29 阅读页；保留 Bilara 原生段落标识，每页最多 120 段。
Milindapañha
mil3.2.9:0.1Addhānavagga
mil3.2.9:0.29. Addhānapañha
mil3.2.9:0.3Rājā āha—
mil3.2.9:1.1“bhante nāgasena, yaṁ panetaṁ brūsi ‘dīghamaddhānan’ti, kimetaṁ addhānaṁ nāmā”ti?
mil3.2.9:1.2“Atīto, mahārāja, addhā, anāgato addhā, paccuppanno addhā”ti.
mil3.2.9:1.3“Kiṁ pana, bhante, sabbe addhā atthī”ti?
mil3.2.9:1.4“Koci, mahārāja, addhā atthi, koci natthī”ti.
mil3.2.9:1.5“Katamo pana, bhante, atthi, katamo natthī”ti?
mil3.2.9:1.6“Ye te, mahārāja, saṅkhārā atītā vigatā niruddhā vipariṇatā, so addhā natthi, ye dhammā vipākā, ye ca vipākadhammadhammā, ye ca aññatra paṭisandhiṁ denti, so addhā atthi.
mil3.2.9:1.7Ye sattā kālaṅkatā aññatra uppannā, so ca addhā atthi.
mil3.2.9:1.8Ye sattā kālaṅkatā aññatra anuppannā, so addhā natthi.
mil3.2.9:1.9Ye ca sattā parinibbutā, so ca addhā natthi parinibbutattā”ti.
mil3.2.9:1.10“Kallosi, bhante nāgasenā”ti.
mil3.2.9:2.1Addhānapañho navamo.
mil3.2.9:3.1Addhānavaggo dutiyo.
mil3.2.9:4.1Imasmiṁ vagge nava pañhā.
mil3.2.9:5.1