完整藏文原文 · 德格版页 当前仅加载第 40 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་ན་ནི། །ལུས་མེད་དངོས་པོ་ཡོད་མིན་པས། །ཏིང་འཛིན་ཞི་བ་བརྗོད་པ་ནི། །འདུ་བྱེད་ཀུན་གྱིས་བསྟན་པ་ཡིན། །འཇམ་དཔལ་དེ་ལྟར་ན་འདུས་བྱས་ཐམས་ཅད་ཏིང་ངེ་འཛིན་དུ་རྟོགས་པར་བྱའོ། །འཇམ་དཔལ་དེ་ལ་ཇི་ལྟར་ན་བྱང་ཆུབ་སེམས་དཔས་འདུས་
D54.040.0192a01.01མ་བྱས་ཐམས་ཅད་ཏིང་ངེ་འཛིན་དུ་རྟོགས་པར་བྱ་ཞེ་ན། ཆོས་འདི་རང་བཞིན་ཞི་བས་ན། །དེ་ལ་གྲངས་ནི་ཡོད་མ་ཡིན། །མ་རིག་པ་ཡིས་བསྒྲུབ་ཞི་བ། །ཏིང་ངེ་འཛིན་གྱིས་བསྒྲུབ་པར་བསྟན། །འདུས་བྱས་ཀུན་ལ་བརྗོད་མེད་ཅིང་། །བསྒྲུབ་པ་མེད་པར་ཤེས་ནས་ནི། །སེམས་ཅན་
D54.040.0192a02.01གང་དག་བརྗོད་ལ་ཆགས། །དེ་དག་རྣམས་ལ་དེ་ལྟར་བསྟན། །འཇམ་དཔལ་དེ་ལྟར་ན་འདུས་མ་བྱས་ཐམས་ཅད་ཏིང་ངེ་འཛིན་དུ་རྟོགས་པར་བྱའོ། །ཚིགས་སུ་བཅད་པ་མངོན་པར་བསྒྲུབས་པའི་སྒྲ་བསམ་གྱིས་མི་ཁྱབ་པ་བསྟན་པ་འདི་བཤད་པ་ན་བྱང་ཆུབ་སེམས་དཔའ་དགུ་ཁྲི་ཉིས་
D54.040.0192a03.01སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་བོ། །ལྷ་བྱེ་བ་ཁྲག་ཁྲིག་བརྒྱ་སྟོང་ཕྲག་བདུན་ཅུ་རྩ་གཉིས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དགེ་སློང་སུམ་ཁྲི་དྲུག་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགེ་
D54.040.0192a04.01སློང་མ་དྲུག་སྟོང་ཉིས་བརྒྱས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དགེ་བསྙེན་ས་ཡ་བརྒྱད་འབུམ་གྱིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དགེ་བསྙེན་མ་ས་ཡ་ཕྲག་བཞི་དང་ཉིས་འབུམ་གྱིས་ཀྱང་བླ་ན་མེད་
D54.040.0192a05.01པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་དབང་པོ་རྣོན་པོ་གང་དག་འབྱུང་བ་དེ་དག་གིས་ཏིང་ངེ་འཛིན་རྣམས་ཀྱི་མིང་ཐོས་ན་ཆོས་ཐམས་ཅད་ལ་སྣང་བ་འཐོབ་པར་
D54.040.0192a06.01འགྱུར་བ་དང་། བདུད་ཀྱི་རིས་ཀྱི་ལྷའི་བུ་ཐམས་ཅད་དང་། གང་ཟག་དམིགས་པའི་ལྟ་བ་ཅན་རྣམས་ཀྱིས་ཐུལ་བར་དཀའ་བ་དང་། ཡི་གེ་གཅིག་གིས་ཡི་གེ་ཐམས་ཅད་རྟོགས་པར་འགྱུར་བ་དང་། ཡི་གེ་ཐམས་ཅད་ཀྱིས་ཡི་གེ་གཅིག་རྟོགས་པར་འགྱུར་བ་དང་། ཐོགས་པ་མ་མཆིས་པའི་སྤོབས་པས་
D54.040.0192a07.01