完整藏文原文 · 德格版页 当前仅加载第 43 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་འདུས་ཏེ་རེག་པའི་ཇི་ལྟར་གཞན་དག་ལ་སླར་གནོད་པ་འམ། སླར་ཁྲོ་བའམ། ཤར་གཉེར་ཞིང་འཁོན་དུ་གཟུང་བར་བྱ། དེ་ཅིའི་ཕྱིར་ཞེ་ན། འདི་ནི་ངོ་བོ་ཉིད། འདི་ནི་ཆོས་ཉིད། འདི་ནི་རང་བཞིན་ཡིན་ནོ་སྙམ་མོ། །ལག་{བཟངས་,བཟང་}གཞན་ཡང་བྱང་ཆུབ་སེམས་
D70.043.0162b01.01དཔའ་འདི་ལྟར་ཡང་དག་པར་སློབ་སྟེ། བདག་གི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་བདག་མེད་ཅིང་བདག་གི་མེད་པ་ཡིན་ལ། གཞན་དག་གི་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་བདག་མེད་ཅིང་བདག་གི་
D70.043.0162b02.01མེད་པ་ཡིན་ན། མཁས་པ་རིག་པ་དག་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་བདག་མེད་ཅིང་བདག་གི་མེད་པ་ལ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་བདག་མེད་ཅིང་བདག་གི་མེད་པ་དང་། ཇི་ལྟར་དགའ་བའམ།
D70.043.0162b03.01རྗེས་སུ་ཆགས་པ་འམ། ཡང་དག་པར་དགའ་བར་འགྱུར་བ་འམ། རྡེག་པའམ། སླར་གནོད་པར་བྱེད་པ་འམ། སླར་ཁྲོ་བ་འམ། ཤར་གཉེར་ཞིང་འཁོན་དུ་འཛིན་པར་འགྱུར་སྙམ་མོ། །ལག་{བཟངས་,བཟང་}གཞན་ཡང་བྱང་ཆུབ་སེམས་དཔའ་འདི་ལྟར་ཡང་དག་པར་སློབ་
D70.043.0162b04.01སྟེ། འདི་ལྟ་སྟེ་མིར་སྐྱེས་པའི་སྡུག་བསྔལ་ནི་ཉུང་ཞིང་ཆུང་གི །{ཡི་དགས་,ཡི་དྭགས་}ཀྱི་སྡུག་བསྔལ་ནི་ཆེས་མི་བཟད་ལ་ཆེས་བཟོད་པར་དཀའ་བ་ཡིན། དུད་འགྲོའི་སྐྱེ་གནས་ཀྱི་སྡུག་བསྔལ་དང་། སེམས་ཅན་དམྱལ་བའི་སྡུག་བསྔལ་ཡང་ཆེས་མི་བཟད་ཅིང་བཟོད་པར་དཀའ་བ་ཡིན་
D70.043.0162b05.01ན། བདག་གིས་ཇི་ལྟར་སྡུག་བསྔལ་ཆུང་ཞིང་ཉུང་བ་ཙམ་གྱི་ཕྱིར་གཞན་དག་ལ་སླར་གནོད་པ་དང་། སླར་ཁྲོ་བ་དང་། ཤར་གཉེར་ཞིང་འཁོན་དུ་གཟུང་བར་བྱ་སྙམ་མོ། །ལག་{བཟངས་,བཟང་}གཞན་ཡང་བྱང་ཆུབ་སེམས་དཔའ་འདི་ལྟར་ཡང་དག་པར་སློབ་སྟེ། གང་བདག་
D70.043.0162b06.01གཅིག་པུའི་དོན་འདོད་པ་དང་། བདག་གཅིག་པུ་ལ་ཕན་པར་འདོད་པས་གཞན་དག་ལ་ཕྱིར་གནོད་པ་བྱེད་ཅིང་ཕྱིར་ཁྲོ་སྟེ་ཤར་གཉེར་ཞིང་འཁོན་དུ་འཛིན་པ་དེ་ཡང་མི་རིགས་ཏེ་ཆ་མ་ཡིན་ན། བདག་འཇིག་རྟེན་ཐམས་ཅད་ཀྱི་དོན་འདོད་པ། འཇིག་རྟེན་ཐམས་ཅད་ལ་ཕན་པར་
D70.043.0162b07.01