完整藏文原文 · 德格版页 当前仅加载第 43 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ངོམས་མི་ཤེས་ཤིང་ཆོག་མི་ཤེས་པ་དག་ནི་མ་བྱིན་པར་ལེན་པར་བྱེད་ཀྱི་མཁས་པ་དག་ནི་ངོམས་ཤེས་ཤིང་ཆོག་ཤེས་པ་ཡིན་ནོ། །འཚོ་བ་ཡོངས་སུ་མ་དག་པ་དག་ནི་མ་བྱིན་པར་ལེན་པར་བྱེད་ཀྱི་མཁས་པ་དག་ནི་འཚོ་བ་ཡོངས་སུ་དག་པ་ཡིན་ནོ། །ལས་མ་མཐོང་བ་དག་ནི་མ་བྱིན་པར་ལེན་
D71.043.0182b01.01པར་བྱེད་ཀྱི་མཁས་པ་དག་ནི་ལས་མཐོང་བ་ཡིན་ནོ། །རྣམ་པར་འཚེ་བ་ཆེད་ཆེར་འཛིན་པ་དག་ནི་མ་བྱིན་པར་ལེན་པར་བྱེད་ཀྱི་མཁས་པ་དག་ནི་རྣམ་པར་མི་འཚེ་བ་ཆེད་ཆེར་འཛིན་ཏོ། །བྱམས་པའི་སེམས་མེད་པ་དག་ནི་མ་བྱིན་པར་ལེན་པར་བྱེད་ཀྱི་མཁས་པ་དག་ནི་བྱམས་པའི་སེམས་དང་ལྡན་ནོ། །
D71.043.0182b02.01ཕྱིན་ཅི་ལོག་བཞིས་སེམས་བསླད་པ་དག་ནི་མ་བྱིན་པར་ལེན་པར་བྱེད་ཀྱི་མཁས་པ་དག་ནི་སེམས་ཕྱིན་ཅི་མ་ལོག་པ་ཡིན་ནོ། །གཞན་ཡང་སེམས་ཅན་དབུལ་པོ་གང་ཡིན་པ་དེ་དག་ཁོ་བོས་ཚིགས་སུ་བཅད་པ་དག་གིས་བཤད་ཀྱིས་ཉོན་ཅིག །བྱེ་བ་ཕྲག་སྟོང་གཏེར་ཡོད་ཀྱང་། །གང་དག་ལ་ནི་
D71.043.0182b03.01གཏོང་མེད་པ། །དེ་དག་འཇིག་རྟེན་འདིར་དབུལ་ཞེས། །ཐོས་མང་རྣམས་ཀྱིས་དེ་སྐད་བཤད། །གང་ལ་ཟན་ཅིག་མེད་བཞིན་དུ། །དེ་ནི་གཏོང་ལ་རབ་གནས་ན། །དེ་ནི་འཇིག་རྟེན་ནོར་ཆེ་ཞེས། །ཡང་དག་གཟིགས་པ་རྣམས་ཀྱིས་བཤད། །གང་ལ་སྡིག་མེད་
D71.043.0182b04.01འཕགས་པ་ནི། །རྣམ་པ་ཀུན་གྱིས་མཛེས་པ་ཡིན། །བྱིས་པ་སྡིག་པ་བྱེད་པ་ནི། །ཤིན་ཏུ་བརྒྱན་ཀྱང་མཛེས་མ་ཡིན། །མཁས་པ་དག་གིས་སྤྱོས་སླ་ཡི། །བྱིས་པས་བསྔགས་པ་དེ་ལྟ་མིན། །བྱིས་པ་སྡིག་པ་བསྔགས་པར་བྱེད། །མཁས་པ་དག་ནི་སྡིག་ལ་སྨོད། །དེ་ནས་ལྷའི་དབང་
D71.043.0182b05.01པོ་བརྒྱ་བྱིན་གྱིས་དུས་གཞན་ཞིག་ན་མི་གཞན་ཞིག་སྤྲུལ་ཏོ། །དེ་ནས་མི་དེས་གསེར་མང་པོ་ཁྱེར་ཏེ་དེས་པ་ལ་འདི་སྐད་ཅེས་སྨྲས་སོ། །ཀྱེ་དེས་པ་གསེར་ཁྱེར་ལ་ཁོ་བོ་མི་གཞན་ཞིག་དང་རྩོད་པ་དེ་ལ་ཁྱོད་གཅིག་པུས་ཆེ་གཞི་བྱ་བར་ཁོ་བོས་བྱས་ཀྱི་དེར་ཁོ་བོའི་ཆེ་གཞི་གྱིས་
D71.043.0182b06.01ཤིག་དེས་པས་སྨྲས་པ། གྲོགས་པོ་ཐོད་ཁྱོད་དེ་སྐད་མ་ཟེར་ཅིག །ཁོ་བོ་ནི་{བརྫུན་,རྫུན་}ཟེར་དུ་མི་འདོད་དོ། །ཀྱེ་གྲོགས་པོ་{བརྫུན་,རྫུན་}དུ་སྨྲ་བ་ནི་བདག་ལ་ཡང་སླུ་ཞིང་ཕ་རོལ་ལ་ཡང་སླུ་ལ་འཕགས་པ་ལ་སླུ་བ་ཡིན་ཏེ། གྲགས་པ་ཉམས་པར་བྱེད་པ་དང་། ཡིད་མི་ཆེས་པ་དང་། ཡིད་དུ་མི་འོང་
D71.043.0182b07.01