完整藏文原文 · 德格版页 当前仅加载第 43 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་པ་ཕུན་སུམ་ཚོགས་པར་བྱ། ལུས་དང་སྲོག་ལ་མི་ལྟ་བར་བརྩོན་འགྲུས་ཀྱི་གོ་ཆ་ཆེན་པོ་བགོ་བར་བྱ། རྣམ་པར་མི་གཡེང་བའི་སེམས་ཀྱིས་སེམས་རྩེ་གཅིག་ཏུ་བྱ། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་
D72.043.0196b01.01སྐྱེས་དང་། ཤེད་བུར་ལྟ་བ་དང་བྲལ་བས་ཤེས་རབ་ཀྱིས་རྣམ་པར་དཔྱད་པ་ལ་མཁས་པར་བྱ། དེས་སྦྱིན་པ་སྦྱིན་ན་སེམས་ཅན་ཐམས་ཅད་ཡིད་ལ་བྱས་ཏེ་སྦྱིན་པ་སྦྱིན་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་ཚུལ་ཁྲིམས་བསྲུང་བར་བྱ། སེམས་ཅན་ཐམས་ཅད་ཡིད་ལ་བྱས་ཏེ་བཟོད་
D72.043.0196b02.01པ་བསྒོམ་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་བརྩོན་འགྲུས་བརྩམ་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་བསམ་གཏན་ལ་མཉམ་པར་གཞག་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་ཤེས་རབ་བསྒོམ་པར་བྱ། སེམས་ཅན་ཐམས་ཅད་ཡིད་ལ་བྱས་ཏེ་
D72.043.0196b03.01ཐབས་ལ་མཁས་པ་བསླབ་པར་བྱའོ། །དེ་ནས་ཁྱིམ་བདག་དཔས་བྱིན་དང་། ཁྱིམ་བདག་ལྔ་བརྒྱ་ཙམ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་ལུས་ལ་ལྟ་ཞིང་གནས་པ་ལགས། སྲོག་ལ་ལྟ་ཞིང་གནས་པ་ལགས། དེ་
D72.043.0196b04.01བཞིན་དུ་ནོར་དང་། འབྲུ་དང་། ཁྱིམ་དང་། ཆུང་མ་དང་། བུ་དང་། བུ་མོ་རྣམས་ལ་ལྟ་ཞིང་གནས་པ་ལགས། བཟའ་བ་དང་། བཏུང་བ་དང་། བགོ་བ་དང་། བཞོན་པ་དང་། མལ་ཆ་དང་། མེ་ཏོག་དང་། སྤོས་དང་། བདུག་པ་དང་། ཕྲེང་བ་དང་། བྱུག་པ་རྣམས་ལ་
D72.043.0196b05.01ལྟ་ཞིང་གནས་པ་ལགས། ཡོ་བྱད་ཐམས་ཅད་ལ་ལྟ་ཞིང་གནས་པ་ལགས་ན། བཅོམ་ལྡན་འདས་ཇི་ལྟར་བྱང་ཆུབ་སེམས་དཔའ་སོ་སོར་རྟོག་ཅིང་ལུས་ལ་མི་ལྟ་བ་ལགས། བདེ་བར་གཤེགས་པ་ཇི་ལྟར་སྲོག་ལ་མི་ལྟ་བ་ལགས། དེ་བཞིན་དུ་ནོར་དང་། འབྲུ་དང་། ཁྱིམ་དང་། ཆུང་
D72.043.0196b06.01མ་དང་། བུ་དང་། བུ་མོ་རྣམས་ལ་མི་ལྟ་བ་ལགས། བཟའ་བ་དང་། བཏུང་བ་དང་། བགོ་བ་དང་། བཞོན་པ་དང་། མལ་ཆ་དང་། མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་རྣམས་ལ་མི་ལྟ་བ་ལགས། ཡོ་བྱད་ཐམས་ཅད་ལ་མི་ལྟ་བ་ལགས། དེ་ནས་
D72.043.0196b07.01