完整藏文原文 · 德格版页 当前仅加载第 43 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཞུགས་པ་བྱེད་དུ་འཇུག་པ་དང་། སངས་རྒྱས་ཀྱི་བྱང་ཆུབ་ལ་ངེས་པ་རྒྱ་ཆེར་མོས་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སངས་རྒྱས་བཅོམ་ལྡན་འདས་རྣམས་ཀྱི་ཐད་དུ་རིན་པོ་ཆེ་ཆེན་པོའི་པདྨ་ལས་རྫུས་ཏེ་སྐྱེ་བར་འགྱུར་རོ། །དེ་ལ་འདི་
D74.043.0217b01.01སྐད་ཅེས་བྱ་སྟེ། ཕྱེ་མ་མེ་ཏོག་བཀང་སྟེ་འབུལ་བ་དང་། །གནོད་སེམས་སྤོང་ཞིང་སྐུ་གཟུགས་བྱེད་པ་དང་། །མོས་པ་རྒྱ་ཆེན་ལ་ནི་གནས་བྱེད་ན། །རྒྱལ་བ་དག་གི་ཐད་དུ་རྫུས་ཏེ་སྐྱེ། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་རྫུ་འཕྲུལ་གྱིས་སངས་རྒྱས་ཀྱི་
D74.043.0217b02.01ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཏེ། བཞི་གང་ཞེ་ན། འདི་ལྟ་སྟེ། གཞན་དག་གི་དགེ་བའི་རྩ་བའི་བར་ཆད་མི་བྱེད་པ་དང་། གཞན་དག་ཆོས་ཉན་པ་ལ་བར་ཆད་མི་བྱེད་པ་དང་། དེ་བཞིན་གཤེགས་པའི་མཆོད་རྟེན་དག་ལ་མར་མེ་འབུལ་བ་དང་། ཏིང་
D74.043.0217b03.01ངེ་འཛིན་སྒོམ་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་རྫུ་འཕྲུལ་གྱིས་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ། །དེ་ལ་འདི་སྐད་ཅེས་བྱ་སྟེ། དགེ་བ་དག་གི་བར་ཆད་མི་བྱེད་དང་། །གཞན་གྱི་ཆོས་གཏམ་དག་
D74.043.0217b04.01ལ་མི་སྨོད་དང་། །རྒྱལ་བའི་མཆོད་རྟེན་དག་ལ་མར་མེ་འབུལ། །ཏིང་འཛིན་བསྒོམས་པས་དེ་ནི་ཞིང་དུ་འགྲོ། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་དགྲ་ཟླ་མེད་པར་འགྱུར་ཏེ། བཞི་གང་ཞེ་ན། འདི་ལྟ་སྟེ། གཡོ་མེད་པར་དགེ་བའི་བཤེས་གཉེན་
D74.043.0217b05.01དག་ལ་སྟེན་པ་དང་། དགེ་བའི་རྩ་བ་ལ་སེར་སྣ་མི་བྱེད་པ་དང་། གཞན་གྱི་རྙེད་པ་ལ་དགའ་བ་དང་། བྱང་ཆུབ་སེམས་དཔའ་རྣམས་ཀྱི་བྱ་བ་དང་གནས་པ་ཐམས་ཅད་ལ་ཁོང་ཁྲོ་བར་མི་བྱེད་ཅིང་མི་སྙན་པ་མི་སྒྲོགས་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་
D74.043.0217b06.01པོ་དེ་དག་དང་ལྡན་ན་དགྲ་ཟླ་མེད་པར་འགྱུར་རོ། །དེ་ལ་འདི་སྐད་ཅེས་བྱ་སྟེ། དགེ་བའི་བཤེས་གཉེན་རྣམས་ལ་དེ་གཡོ་མེད། །གཞན་གྱི་རྙེད་ལ་དགའ་ཞིང་སེར་སྣ་མེད། །བྱང་ཆུབ་སེམས་དཔའི་སྤྱོད་ལ་མི་སྨོད་ན། །རྟག་ཏུ་དགྲ་ཟླ་མེད་པར་སྤྱོད་པར་འགྱུར། །
D74.043.0217b07.01