完整藏文原文 · 德格版页 当前仅加载第 49 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
པས་བསྡུས་པའོ། །སྨྲས་པ། འཇམ་དཔལ་བསམ་པ་དང་། ལྷག་པའི་བསམ་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བསམ་པ་དང་། ལྷག་པའི་བསམ་པ་ནི་བྱང་ཆུབ་ཀྱི་སེམས་ཀྱི་ཕྱིར་བྱུང་ངོ་། །
D109.049.0287a01.01སྨྲས་པ། འཇམ་དཔལ་བྱང་ཆུབ་ཀྱི་སེམས་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སེམས་ནི་ཕ་རོལ་ཏུ་ཕྱིན་པ་དྲུག་གི་ཕྱིར་བྱུང་ངོ་། །སྨྲས་པ། འཇམ་དཔལ་ཕ་རོལ་ཏུ་ཕྱིན་པ་དྲུག་ཅིའི་ཕྱིར་བྱུང་། སྨྲས་པ།
D109.049.0287a02.01ལྷའི་བུ་བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་དྲུག་པོ་དག་ནི་ཐབས་དང་ཤེས་རབ་གཉིས་ཀྱི་ཕྱིར་བྱུང་ངོ་། །སྨྲས་པ། འཇམ་དཔལ་ཐབས་དང་ཤེས་རབ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་ཐབས་དང་ཤེས་རབ་
D109.049.0287a03.01ནི་བག་ཡོད་པའི་ཕྱིར་བྱུང་ངོ་། །སྨྲས་པ། འཇམ་དཔལ་བག་ཡོད་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་བག་ཡོད་པ་ནི་ལེགས་པར་སྤྱོད་པ་རྣམ་པ་གསུམ་གྱི་ཕྱིར་བྱུང་ངོ་། །སྨྲས་པ། འཇམ་དཔལ་ལེགས་པར་སྤྱོད་
D109.049.0287a04.01པ་རྣམ་པ་གསུམ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་ལེགས་པར་སྤྱོད་པ་རྣམ་པ་གསུམ་ནི་དགེ་བ་བཅུའི་ལས་ཀྱི་ལམ་གྱི་ཕྱིར་བྱུང་ངོ་། །སྨྲས་པ། འཇམ་དཔལ་དགེ་བ་བཅུའི་ལས་ཀྱི་ལམ་དག་ཅིའི་ཕྱིར་བྱུང་། སྨྲས་པ།
D109.049.0287a05.01ལྷའི་བུ་བྱང་ཆུབ་སེམས་དཔའ་རྣམས་ཀྱི་དགེ་བ་བཅུའི་ལས་ཀྱི་ལམ་དག་ནི་སྡོམ་པའི་ཕྱིར་བྱུང་ངོ་། །སྨྲས་པ། འཇམ་དཔལ་སྡོམ་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་སྡོམ་པ་ནི་ཚུལ་བཞིན་ཡིད་ལ་བྱ་བའི་ཕྱིར་བྱུང་ངོ་། །སྨྲས་པ། འཇམ་
D109.049.0287a06.01དཔལ་ཚུལ་བཞིན་ཡིད་ལ་བྱ་བ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་རྣམས་ཀྱི་ཚུལ་བཞིན་ཡིད་ལ་བྱ་བ་ནི་སོ་སོར་རྟོག་པའི་ཕྱིར་བྱུང་ངོ་། །སྨྲས་པ། འཇམ་དཔལ་སོ་སོར་རྟོག་པ་ཅིའི་ཕྱིར་བྱུང་། སྨྲས་པ། ལྷའི་བུ་བྱང་ཆུབ་སེམས་དཔའ་
D109.049.0287a07.01