完整藏文原文 · 德格版页 当前仅加载第 51 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་པ་ཆེན་པོ་བྱས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་འདུས་པ་ཆེན་པོ་དེ་མཐོང་ནས། ཆོས་ཀྱི་འབེལ་བའི་གཏམ་འདོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཐུགས་ཀྱིས་མཁྱེན་ནས། བྱང་ཆུབ་
D114.051.0182b01.01སེམས་དཔའ་བཀོད་པའི་རྒྱལ་པོ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་སོང་ལ་ས་ཆེན་པོ་འདི་ལྟོས་ཤིག །དེ་ནས་བྱང་ཆུབ་སེམས་དཔའ་བཀོད་པའི་རྒྱལ་པོས་ས་ཆེན་པོ་བལྟས་སོ། །བལྟས་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D114.051.0182b02.01བདག་གིས་ས་ཆེན་པོ་བལྟས་ལགས་ཏེ། བཅོམ་ལྡན་འདས་བཅོམ་ལྡན་འདས་ཀྱིས་སེམས་ཅན་ཐམས་ཅད་ལ་བདེ་བའི་འདུས་པ་ཆེན་པོ་མཛད་པ་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཀོད་པའི་རྒྱལ་པོ་སྲོག་ཆགས་དྲུག་ཁྲི་བཞི་སྟོང་བླ་ན་མེད་པ་ཡང་
D114.051.0182b03.01དག་པར་རྫོགས་པའི་བྱང་ཆུབ་ཏུ་དེང་ཁོ་ན་ལུང་བསྟན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་དང་།
D114.051.0182b04.01ཀླུ་དང་། གནོད་སྦྱིན་དང་། སྲིན་པོ་དང་། མི་དང་། སྤྱོད་པ་པ་དང་། ཀུན་ཏུ་རྒྱུ་མང་པོ་འདུས་ལགས་སོ། །བདེ་བར་གཤེགས་པ་སེམས་ཅན་མང་པོ་འདུས་ལགས་སོ། །བཅོམ་ལྡན་འདས་ཆོས་མཉན་པའི་དུས་ནི་འདི་ལགས་སོ། །བདེ་བར་གཤེགས་པ་ཆོས་མཉན་པའི་དུས་
D114.051.0182b05.01ནི་འདི་ལགས་སོ། །དེ་ནས་བཅོམ་ལྡན་འདས་ཅང་མི་གསུང་བར་གྱུར་ནས། བྱང་ཆུབ་སེམས་དཔའ་ལག་ན་རྡོ་རྗེས་ལན་གཉིས་ལན་གསུམ་གྱི་བར་དུ་དེ་བཞིན་གཤེགས་པ་ལ་གསོལ་བ་བཏབ་སྟེ། བཅོམ་ལྡན་འདས་བསྟན་དུ་གསོལ། བདེ་བར་གཤེགས་པ་བསྟན་དུ་
D114.051.0182b06.01གསོལ། སེམས་ཅན་ཐམས་ཅད་ཀྱི་བསམ་པ་གྲུབ་པར་མཛད་དུ་གསོལ། བཅོམ་ལྡན་འདས་འགྱོད་པ་བསལ་བ་དང་། སེམས་ཅན་ཐམས་ཅད་ལ་སྨན་པ་དང་བདེ་བའི་སླད་དུ་ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་ཞེས་བགྱི་བའི་མདོ། །ཉོན་མོངས་པ་ཐམས་ཅད་ཟད་
D114.051.0182b07.01