完整藏文原文 · 德格版页 当前仅加载第 55 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སྒྱུ་མ་བཞིན་དུ་སྣང་ཞིང་སྒྱུ་མ་བཞིན་དུ་མ་གྲུབ་པའི་ཆོས་སྟོན་ཏོ་སྙམ་སྟེ། དེ་ལ་ངེས་པར་འཛིན་ཅིང་རྟོག་པར་བྱེད་དོ། །ཁ་ཅིག་གིས་ནི་ཆོས་ཐམས་ཅད་རང་བཞིན་གྱིས་མ་སྐྱེས་པ། ངོ་བོ་ཉིད་ཀྱིས་མི་གནས་པ། ལས་དང་བྱ་བའི་མཐའ་ཐམས་ཅད་དང་བྲལ་བ་རྟོག་པ་དང་རྟོག་པའི་
D128.055.0171b01.01ཡུལ་ལས་འདས་པ། ཐོག་མ་མེད་པའི་དུས་ནས་སྤྲོས་པ་རྣམ་པར་དག་པའི་ཆོས་སྟོན་ཏོ་སྙམ་སྟེ། དེ་ལ་ངེས་པར་འཛིན་ཅིང་རྟོག་པར་བྱེད་དོ། །དེ་ནས་བཅོམ་ལྡན་འདས་ཆོས་ཉིད་རང་གི་ངོ་བོ་ཉིད་ཇི་ལྟ་བ་ལས་མི་གཡོ་བར་བཞུགས་པ་དེ་ལས་སྙིང་རྗེ་དང་ལྡན་པའི་སྐུར་བྱས་ནས་འཁོར་འདུས་པ་དེ་
D128.055.0171b02.01དག་གི་ལྟ་བ་ཐ་དད་པར་གྱུར་པའི་རྟོག་པའི་མུན་པ་སེལ་བ་ཞེས་བྱ་བའི་འོད་ཟེར་ལྗགས་ཀྱི་དབང་པོ་ལས་སྤྲོས་ཏེ། འོད་ཟེར་དེས་ཕྱོགས་བཅུ་ཐམས་ཅད་སྣང་བར་བྱས་ནས་འཁོར་དེ་ན་བྱང་ཆུབ་སེམས་དཔའ་འཇམ་དཔལ་འདུག་པར་གྱུར་པ་ལ་བསྐུལ་བས་བྱང་ཆུབ་སེམས་དཔའ་འཇམ་
D128.055.0171b03.01དཔལ་གྱིས་འཁོར་ཕལ་མོ་ཆེའི་རྟོག་པ་ལྔ་པོ་ཐ་དད་པར་གྱུར་པ་སེམས་ཀྱིས་ཤེས་ནས། ཅིའི་ཕྱིར་ཆོས་ཐམས་ཅད་ཀྱི་གཞི་གཅིག་ལ་ལྟ་བ་དང་མོས་པ་ཐ་དད་པར་གྱུར་སྙམ་སྟེ། བདག་གིས་བཅོམ་ལྡན་འདས་ལ་ཞུ་བར་བྱའོ་སྙམ་པ་དང་འོད་ཟེར་དེ་དག་བཅོམ་ལྡན་འདས་ཀྱི་
D128.055.0171b04.01ལྗགས་ཀྱི་དབང་པོ་ལ་སླར་འདུས་པར་གྱུར་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འཇམ་དཔལ་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ནི་རྣམ་གྲངས་དང་དབྱེ་བའི་ཆོས་ལ་རྟོག་པར་མི་མཛད་ཀྱང་འཁོར་འདུས་པ་འདི་དག་མོས་པ་དང་
D128.055.0171b05.01རྟོག་པ་ཐ་དད་པ་འདི་ཅི་ལས་གྱུར། བཅོམ་ལྡན་འདས་ཆོས་ལ་བརྟག་པའི་མཐའ་ལྔ་པོ་འདི་དག་ཀུན་ཡང་དག་པ་ལགས་སམ། འོན་ཏེ་ཁ་ཅིག་ནི་ཡང་དག་པ་ལགས་ལ་ཁ་ཅིག་ནི་ཡང་དག་པ་མ་ལགས་སམ། བཅོམ་ལྡན་འདས་ཆོས་ལ་བརྟག་པའི་མཐའ་ལྔ་པོ་འདི་
D128.055.0171b06.01དག་གིས་རྣམ་པར་གྲོལ་བ་ཐོབ་པར་མཚུངས་ལགས་སམ། བཅོམ་ལྡན་འདས་ཆོས་ལ་བརྟག་པའི་མཐའ་ལྔ་པོ་འདི་དག་ལ་གང་ཟག་གི་རིགས་ནི་མཆིས་ལགས་སམ། བཅོམ་ལྡན་འདས་ཆོས་ལ་བརྟག་པའི་མཐའ་ལྔ་པོ་འདི་དག་ལ་ཐ་དད་པར་སྣང་བའི་འཐུན་པའི་དཔེ་
D128.055.0171b07.01