完整藏文原文 · 德格版页 当前仅加载第 59 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་འདོད་ཆགས་ཀྱི་དབང་གིས་སྲོག་ཆགས་ཀྱི་སྲོག་གཅོད་པར་མི་བྱེད། ཞེ་སྡང་གི་དབང་དང་གཏི་མུག་གི་དབང་གིས་སྲོག་ཆགས་ཀྱི་སྲོག་གཅོད་པར་མི་བྱེད་དོ། །དེ་སེམས་ཅན་གཞན་དག་དང་གང་
D158.059.0004b01.01ཟག་གཞན་རྣམས་ལ་བདག་ཙམ་དུ་འདུ་ཤེས་པར་བྱེད་ཅིང་སྡུག་པ་ཙམ་དུ་འདུ་ཤེས་པར་བྱེད་དེ། བདག་ཉིད་ཀྱིས་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྲོག་གཅོད་པར་མི་བྱེད་དོ། །གཞན་དག་ཀྱང་སྲོག་གཅོད་དུ་མི་འཇུག་གོ། །གཞན་དག་
D158.059.0004b02.01སྲོག་གཅོད་པ་ལ་ཡང་རྗེས་སུ་ཡི་རང་བར་མི་བྱེད་དོ། །བདག་གིས་ཀྱང་མི་གཅོད་དོ། །གཞན་དག་ཀྱང་གཅོད་དུ་མི་འཇུག་གོ། །གཞན་དག་གཅོད་པ་ལ་ཡང་རྗེས་སུ་ཡི་རང་བར་མི་བྱེད་དོ། །བདག་ཀྱང་མི་རྡེག་གོ། །གཞན་དག་ཀྱང་རྡེག་ཏུ་མི་འཇུག་གོ། །
D158.059.0004b03.01གཞན་དག་རྡེག་པར་བྱེད་པ་ལ་ཡང་རྗེས་སུ་ཡི་རང་བར་མི་བྱེད་དོ། །ཇི་ལྟར་ན་མ་བྱིན་པ་ལེན་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི་ཡོ་བྱད་གང་དག་ཡིན་པ་འདི་ལྟ་སྟེ། གསེར་དང་། ནོར་བུ་དང་། མུ་ཏིག་དང་།
D158.059.0004b04.01བཻ་དཱུརྱ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་ལ་སོགས་པ་དང་། གོས་དང་། རྒྱན་གྱི་རྣམ་པ་དག་དང་། ནོར་དང་། འབྲུ་དང་། མཛོད་དང་། བདེ་བའི་རྣམ་པ་དེ་དག་ལ་ཆགས་པ་མི་སྐྱེད། དེ་དག་ལ་རྣམ་པར་རྟོག་པར་མི་བྱེད་ཅིང་རྐུ་འཕྲོག་
D158.059.0004b05.01མི་བྱེད་དོ། །རྐུ་འཕྲོག་བྱེད་དུ་མི་འཇུག་གོ། །རྐུ་འཕྲོག་བྱེད་པ་རྣམས་ལ་རྗེས་སུ་ཡི་རང་བར་མི་བྱེད་དོ། །དེ་གྲོང་ན་ཡོད་པའམ། དགོན་པ་ན་ཡོད་པ་མ་བྱིན་ཞིང་མ་གནང་བ་རྩྭའི་འདབ་མ་ཙམ་ཡང་ལེན་པར་མི་བྱེད་དོ། །ཇི་ལྟར་ན་མི་ཚངས་པར་སྤྱོད་པ་སྤོང་བ་ཡིན་ཞེ་ན།
D158.059.0004b06.01ཚངས་པ་འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ་ལེགས་པར་བསྲུངས་ཤིང་གནས་པ་ཡིན། ལེགས་པར་བསྡམས་པ་ཡིན། འཐུན་པའི་གནས་སུ་རྒྱུ་བ་ཡིན། ཤིན་ཏུ་བསྲུང་བའི་དྲན་པ་དང་ལྡན་པ་ཡིན། རྟག་ཏུ་བསྲུང་བའི་དྲན་པ་དང་ལྡན་པ་ཡིན། དེ་དྲན་པས་ཡིད་ཀུན་ཏུ་
D158.059.0004b07.01