完整藏文原文 · 德格版页 当前仅加载第 59 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོམ་ཉི་མི་ཟ་ཞིང་ངས་མཐོང་བ་ལ་ཡང་ཡིད་ཆེས་ན་དེའི་ཚེ་འདས་པའི་འོག་ཏུ་འཁོར་ལོས་སྒྱུར་བའི་རྒྱལ་སྲིད་འཐོབ་པར་འགྱུར་རོ། །དེའི་རྒྱལ་སྲིད་ལ་ཡང་སངས་རྒྱས་འབྱུང་བར་འགྱུར་ཞིང་དེ་བཞིན་གཤེགས་པ་དེ་མཐོང་ནས་ཀྱང་མཆོད་པ་དཔག་ཏུ་མེད་པ་བྱེད་པར་འགྱུར། ཚངས་
D163.059.0148b01.01པར་སྤྱོད་པར་ཡང་འགྱུར། མངོན་པར་ཤེས་པ་ལྔ་ཡང་རྟོགས་པར་ཁོང་དུ་ཆུད་པར་འགྱུར། དེ་བཞིན་གཤེགས་པ་མཐོང་མ་ཐག་ཏུ་གཟུངས་བརྒྱ་འཁྱིལ་བ་ཞེས་བྱ་བ་འཐོབ་པར་འགྱུར། གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་དག་ལ་བསྙེན་བཀུར་བྱེད་པར་འགྱུར། དེ་
D163.059.0148b02.01སྙེད་ཀྱི་བསྐལ་པ་བྱེ་བ་ཉིད་དུ་འཁོར་བ་ལས་ཕྱིར་ཕྱོགས་པར་བྱེད་པར་འགྱུར། དེའི་སེམས་ཤིན་ཏུ་རྨོངས་པ་མེད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར། སྲེད་མེད་ཀྱི་བུའི་ལུས་ལྟར་མཁྲེགས་པའི་ལུས་སུ་འགྱུར། ལུས་དབྱིབས་གཅིག་ལ་སྤི་ཛ་བཞི་པར་
D163.059.0148b03.01འགྱུར། དེའི་ལུས་ཀྱི་མདོག་གསེར་གྱི་ཁ་དོག་འདྲ་བར་འགྱུར། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལུས་བརྒྱན་ཅིང་ཚངས་པའི་སྒྲ་དབྱངས་སུ་ཡང་འགྱུར། མི་ཁོམ་པ་ཐམས་ཅད་ཀྱང་སྤོང་ཞིང་དལ་བ་ཕུན་སུམ་ཚོགས་པ་ཡང་འཐོབ་པར་འགྱུར་རོ། །དེ་ནས་
D163.059.0148b04.01བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་པའི་ཕྱིར་ཚིགས་སུ་བཅད་པས་བཀའ་སྩལ་པ། གང་ཞིག་འཇིག་རྟེན་མགོན་པོའི་མཚན། །ཐོས་ནས་སོམ་ཉི་མི་ཟ་ཞིང་། །ངས་མཐོང་བ་ལའང་ཡིད་ཆེས་པ། །དེ་ནི་ཡོན་གནས་འོས་པ་ཡིན། །རྟག་ཏུ་འཁོར་
D163.059.0148b05.01ལོས་སྒྱུར་བ་ཡི། །རྒྱལ་སྲིད་འཐོབ་ཅིང་སངས་རྒྱས་མཐོང་། །མཐོང་ནས་དཔག་ཏུ་མེད་པ་དང་། །བསམ་གྱིས་མི་ཁྱབ་མཆོད་པ་བྱེད། །རྟག་ཏུ་ཚངས་པར་སྤྱོད་པ་དང་། །མངོན་པར་ཤེས་རྣམས་རྟོགས་པར་འགྱུར། །སངས་རྒྱས་མཐོང་ནས་བརྒྱ་འཁྱིལ་བའི། །
D163.059.0148b06.01གཟུངས་ཀྱང་དེ་ཡིས་འཐོབ་པར་འགྱུར། །ཇི་ལྟར་གང་གཱའི་བྱེ་མ་སྙེད། །དེ་སྙེད་སངས་རྒྱས་མཐོང་བར་འགྱུར། །དེ་སྙེད་བསྐལ་པ་བྱེ་བ་རུ། །འཁོར་བ་དག་ནི་སྤངས་པར་འགྱུར། །གང་ཞིག་འཇིག་རྟེན་མགོན་པོའི་མཚན། །ཚོགས་དང་དགེ་འདུན་དག་ལ་བརྗོད། །དེ་
D163.059.0148b07.01