完整藏文原文 · 德格版页 当前仅加载第 59 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་བྲམ་ཟེ་ཡིན། །ཆོས་རྣམས་གཙོ་བོ་བླངས་ནས་ནི། །ཅི་ཡང་མེད་པའི་དགེ་སློང་བ། །བས་མཐའ་དགོན་པ་རྣམས་སུ་དགའ། །དེ་དག་དགེ་སློང་བྲམ་ཟེ་ཡིན། །དེ་དག་བྲེ་མོ་གཏམ་མི་དགའ། །སོ་སོར་ཐར་རྣམས་ལེགས་པར་བསླབས། །གང་ཟག་
D166.059.0174b01.01མཆོག་ལ་ཉིན་མཚན་དུ། །བཀུར་སྟི་ཆེན་པོ་བྱེད་པ་ཡིན། །ཞིང་ཡང་མི་རྨེད་ཚོང་མི་བྱེད། །ལྷུང་བཟེད་ཆོས་གོས་རྙེད་མི་ཚོལ། །ལེན་པ་མེད་པར་བརྩོན་པ་གང་། །དེ་དག་སངས་རྒྱས་ཉན་ཐོས་ཡིན། །དེ་དག་བུད་མེད་སྟོན་མི་བྱེད། །བུད་མེད་རྣམས་དང་འདུ་
D166.059.0174b02.01བ་མེད། །ཤིང་དྲུང་རྣམས་ནི་བསྔགས་པར་བྱེད། །དེ་དག་སངས་རྒྱས་ཉན་ཐོས་ཡིན། །ཟས་དང་སྐོམ་གྱི་དོན་གྱི་ཕྱིར། །གཅམ་གསག་དག་ཀྱང་ཡང་མི་བྱེད། །དེ་འདྲར་གྱུར་པ་དེ་དག་ནི། །དགེ་སློང་མོ་ལ་སྟེན་མི་བྱེད། །མཚོན་རྣོ་ཇི་ལྟར་བདར་བ་བཞིན། །བུད་མེད་
D166.059.0174b03.01རྣམས་ནི་དེ་འདྲར་ཤེས། །སོ་སོར་ཐར་ལས་བྱུང་བ་བཞིན། །བུད་མེད་འདུ་ཤེས་སྤོང་བར་བྱེད། །དེས་པ་དེ་དག་ཟས་ཕྱིར་དང་། །སྐོམ་གྱི་ཕྱིར་དང་གོས་ཀྱི་ཕྱིར། །ཁྱིམ་ཁྱིམ་དག་ཏུ་འགྲོ་བྱེད་ཅིང་། །ཆོས་རྣམས་སྟོན་པར་མི་བྱེད་དོ། །དགེ་སློང་རྣམས་ཀྱིས་བུད་མེད་
D166.059.0174b04.01རྣམས། །བལྟ་བར་མི་བྱ་རྫོགས་སངས་རྒྱས། །དེ་ལ་ཤེས་ལྡན་སུ་ཞིག་རྟོན། །དེ་ནི་བདུད་ཀྱི་སྤྱོད་ཡུལ་ཡིན། །དེ་དག་གིས་ནི་མེད་པར་སྨྲས། །རོ་དང་ཉལ་བ་བཞིན་དུ་ཉལ། །དེ་ཕྱིར་སངས་རྒྱས་ཐམས་ཅད་མཁྱེན། །འདུ་འཛི་བསྔགས་པར་མི་མཛད་དོ། །ཆོས་རྣམས་
D166.059.0174b05.01སྲོག་མེད་གསོ་བ་མེད། །གསོབ་དང་གསོག་དང་སྙིང་པོ་མེད། །སྟོང་པ་ཉིད་ལ་མོས་བྱེད་པ། །དེ་ནི་དགེ་སློང་ཆོས་ཉིད་དོ། །རྟག་ཏུ་བརྩོན་འགྲུས་ཕུན་སུམ་ཚོགས། །གཅིག་པུ་དགོན་པར་གནས་བྱེད་དང་། །འཇིག་རྟེན་ན་ནི་རྟེན་མེད་སེམས། །དེ་ནི་དགེ་སློང་ཆོས་ཉིད་དོ། །
D166.059.0174b06.01སེང་གེ་བཞིན་དུ་འཇིགས་པ་མེད། །ཚངས་པར་སྤྱོད་ལ་གཞོལ་བར་བྱེད། །སྡུག་བསྔལ་ཀུན་ལས་ཐར་བྱའི་ཕྱིར། །ཤེས་རབ་ལྡན་པས་ལམ་ལ་སྒོམ། །མིག་དང་གཟུགས་ནི་ཚོལ་བ་ན། །དེ་དག་གིས་ནི་རྣམ་ཤེས་རྙེད། །དངོས་པོ་དེ་ཡང་ཚོལ་བ་ན། །བཙལ་བ་གང་ཡིན་མི་
D166.059.0174b07.01