完整藏文原文 · 德格版页 当前仅加载第 59 函德格 308b 版页；藏文 NFD、目录标记与异常页序保留在来源切片中，重复版页行以稳定序号区分。
འགག །སྐྱེ་བ་འགགས་པས་རྒ་ཤི་དང་མྱ་ངན་དང་སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུགས་པ་རྣམས་འགགས་ཏེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ་ཞེས་བྱ་བ་དཔལ་ལྡན་མ་དགེ་སྦྱོང་ངམ། བྲམ་
D170.059.0308b01.01ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་འཐུན་པར་འཇིག་རྟེན་དུ་མ་བསྐོར་བའི་ཆོས་ཀྱི་འཁོར་ལོ་འདི་གྲོང་ཁྱེར་བཱ་རཱ་ཎ་སཱིར་དྲང་སྲོང་ལྷུང་བ་{རི་དགས་,རི་དྭགས་}ཀྱི་ནགས་སུ་དེ་བཞིན་གཤེགས་པས་བསྐོར་ཏོ། །དེ་སྐད་ཅེས་བཀའ་སྩལ་པ་དང་། བྲམ་ཟེ་མོ་དཔལ་ལྡན་
D170.059.0308b02.01མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་མ་རིག་པ་ནང་ན་མཆིས་སམ། སླད་རོལ་ན་མཆིས། བཅོམ་ལྡན་འདས་ཀྱིས་བཀའ་སྩལ་པ། དཔལ་ལྡན་མ་དེ་ནི་མ་ཡིན་ནོ། །གསོལ་པ། བཅོམ་ལྡན་འདས་གལ་ཏེ་མ་རིག་པ་ནང་དང་སླད་རོལ་ན་
D170.059.0308b03.01མ་མཆིས་པ་ལགས་ན་མ་མཆིས་པ་དེ་ཇི་ལྟར་འདུ་བྱེད་རྣམས་ཀྱི་རྐྱེན་དུ་འགྱུར་ཏེ། བཅོམ་ལྡན་འདས་ཆོས་གང་ཡང་འཇིག་རྟེན་ཕ་རོལ་ན་མཆིས་ལགས་སམ། བཀའ་སྩལ་པ། དཔལ་ལྡན་མ་དེ་ནི་མ་ཡིན་ནོ། །གསོལ་པ། བཅོམ་ལྡན་འདས་མ་རིག་པའི་རྣམ་པ་མཆིས་ལགས་སམ།
D170.059.0308b04.01བཅོམ་ལྡན་འདས་ཀྱིས་བཀའ་སྩལ་པ། དཔལ་ལྡན་མ་དེ་ནི་མེད་དེ། དཔལ་ལྡན་མ་མ་རིག་པ་ནི་ཡང་དག་པ་མ་ཡིན་པའི་རྣམ་པར་འབྱུང་གི་ཡང་དག་པའི་རྣམ་པར་ནི་མི་འབྱུང་ངོ་། །དཔལ་ལྡན་མ་མ་རིག་པ་ནི་ཕྱིན་ཅི་ལོག་གི་རྣམ་པར་འབྱུང་གི། ཕྱིན་ཅི་མ་ལོག་པའི་རྣམ་པར་མི་
D170.059.0308b05.01འབྱུང་ངོ་། །གསོལ་པ། བཅོམ་ལྡན་འདས་མ་རིག་པ་མ་མཆིས་ན། འདུ་བྱེད་རྣམས་ཅི་ལས་འབྱུང་། སྡུག་བསྔལ་ཡང་ཅི་ལས་འབྱུང་། བཅོམ་ལྡན་འདས་འདི་ལྟ་སྟེ་དཔེར་ན་ཞུགས་ཤིང་ནྱ་གྲོ་དྷའི་རྩ་བ་མ་མཆིས་ན་དེའི་ཡལ་ག་དང་། ལོ་མ་དང་། ཡལ་ག་ཕྲེའུ་ཅི་ལྟར་
D170.059.0308b06.01མངོན་པར་འགྱུར། བཅོམ་ལྡན་འདས་དེ་བཞིན་དུ་མ་རིག་པ་མ་བྱུང་ཞིང་མཆིས་པ་མ་ལགས་ན་མ་རིག་པ་འདུ་བྱེད་རྣམས་ཀྱི་རྐྱེན་ཀྱང་ལགས་པར་ཇི་ལྟར་འཚལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་ཏེ། དཔལ་ལྡན་མ་རང་གི་མཚན་ཉིད་སྟོང་པ་ཉིད་ཀྱིས་
D170.059.0308b07.01