完整藏文原文 · 德格版页 当前仅加载第 61 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་ཏེ། ཚེ་དང་ལྡན་པ་དཔེར་ན། མི་གང་དག་གསེར་གྱི་འབྱུང་ཁུང་དེའི་ཉེན་ཀོར་ན་གནས་པའི་སེམས་ཅན་རྣམས་ནི། གསེར་གྱི་འབྱུང་ཁུང་དེས་ནམས་ཀྱང་ཉེ་བར་མི་འཚོ་བར་མི་འགྱུར་ཏེ། གང་གི་ཚེ་གསར་དུ་བརྐོས་ཤིང་ཕྱུང་ནས་རིང་པོར་མ་ལོན་པ་དེའི་
D181.061.0031a01.01ཚེ་ཡང་། སེམས་ཅན་རྣམས་ཀྱི་ཉེ་བར་འཚོ་བར་འགྱུར་རོ། །གང་གི་ཚེ་ཤིན་ཏུ་དྲི་མ་མེད་པར་བྱས་ཤིང་ཤིན་ཏུ་སྦྱངས་ནས་སྙིང་པོར་བྱས་ཏེ་ཕྱུང་བ་དེའི་ཚེ་ཡང་སེམས་ཅན་རྣམས་ཀྱི་ཉེ་བར་འཚོ་བ་ཡིན་ནོ། །གང་གི་ཚེ་འབྱུང་ཁུང་དེ་ནས་བཏོན་ནས་བཞུས་ཏེ། དེ་ནས་སུམ་ཆའམ།
D181.061.0031a02.01བཞི་ཆ་གསེར་དུ་གྱུར་པ་དེའི་ཚེ་ཡང་སེམས་ཅན་རྣམས་ཀྱི་ཉེ་བར་འཚོ་བ་ཡིན་ནོ། །ཚེ་དང་ལྡན་པ་ཤ་ར་དྭ་ཏིའི་བུ་དེ་བཞིན་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་། ནམས་ཀྱང་སེམས་ཅན་རྣམས་ཀྱི་ཉེ་བར་འཚོ་བ་མ་ཡིན་པར་མི་འགྱུར་ཏེ། བྱང་ཆུབ་ཀྱི་ཕྱིར་སྤྱོད་པ་ན་
D181.061.0031a03.01ཡང་ཉེ་བར་འཚོ་བ་ཡིན། བྱང་ཆུབ་ཀྱི་སྙིང་པོ་ལ་འདུག་པར་འདོད་པ་ན་ཡང་། སེམས་ཅན་རྣམས་ཀྱི་ཉེ་བར་འཚོ་བ་ཡིན། བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་ཡང་། སེམས་ཅན་རྣམས་ཀྱི་ཉེ་བར་འཚོ་བ་
D181.061.0031a04.01ཡིན། ཡོངས་སུ་མྱ་ངན་ལས་འདས་པ་ན་ཡང་སེམས་ཅན་རྣམས་ཀྱི་ཉེ་བར་འཚོ་བ་ཡིན་ཏེ། རྒྱུ་འདི་དག་ནི་ཉན་ཐོས་དང་རང་སངས་རྒྱས་ཐམས་ཅད་ལ་མེད་དོ། །རྒྱུ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མཆོག་ཅེས་བྱ། གཙོ་བོ་དང་། ཕུལ་དང་། རབ་དང་།
D181.061.0031a05.01རབ་མཆོག་དང་། གྱ་ནོམ་པ་དང་། བླ་ན་མེད་པ་དང་། གོང་ན་མེད་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་དང་། ཐེག་པ་
D181.061.0031a06.01ཆེན་པོ་ལ་ཞུགས་པ་དང་། ལྷག་པའི་བསམ་པ་རྫོགས་པ་དང་། བདོག་པ་ཐམས་ཅད་ཡོངས་སུ་གཏོང་བ་རྣམས་ཀྱི་སྦྱིན་པའི་ཕ་རོལ་ཏུ་ཕྱིན་པ་འདི་གནས་བརྟན་ཤ་ར་དྭ་ཏིའི་བུས་ཇི་སྐད་བཤད་པ་བཞིན་དུ་ཟུང་ཤིག །ཆོངས་ཤིག །ཀུན་ཆུབ་པར་གྱིས་ཤིག །བཅོམ་ལྡན་འདས་ཀྱིས་
D181.061.0031a07.01