完整藏文原文 · 德格版页 当前仅加载第 61 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
སྐར་ཁུང་འདིར་ཞོག་ཤིག་དང་། དེ་བཞིན་གཤེགས་པ་བལྟའོ། །དེ་ནས་མ་མ་དེས་ཁྱེའུ་རིན་ཆེན་བྱིན་སྐར་ཁུང་དུ་བཞག་གོ། །དེ་ནས་བཅོམ་ལྡན་འདས་ཀྱིས་ཁྱེའུ་རིན་ཆེན་བྱིན་གྱི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་སྲང་དེ་ཁོ་
D184.061.0100a01.01ནར་གཤེགས་སོ། །ཁྱེའུ་རིན་ཆེན་བྱིན་གྱིས་ཀྱང་བཅོམ་ལྡན་འདས་གཤེགས་པ་མཐོང་ངོ་། །མཐོང་ནས་ཀྱང་དེ་འདི་སྙམ་དུ་སེམས་ཏེ། །གང་དག་དེ་བཞིན་གཤེགས་པ་ཡོན་ཏན་ཐམས་ཅད་དང་ལྡན་པ་འདི་ལྟ་བུ་མཐོང་ནས་བྱང་ཆུབ་ཀྱི་སེམས་སྐྱེད་པར་མི་བྱེད་པ་དེ་
D184.061.0100a02.01དག་ནི་རྙེད་པ་ཉེས་པར་རྙེད་པའོ་སྙམ་མོ། །དེ་ནས་བཅོམ་ལྡན་འདས་ཁྱེའུ་རིན་ཆེན་བྱིན་གྱི་སྒོ་དྲུང་དུ་གཤེགས་སོ། །དེ་ནས་ཁྱེའུ་རིན་ཆེན་བྱིན་འདི་སྙམ་དུ་སེམས་ཏེ། སེམས་ཅན་ཁྱད་པར་ཅན་འདི་ལྟ་བུ་ནི་བསྐལ་པ་བྱེ་བ་ཕྲག་འབུམ་དུ་ཡང་རྙེད་པར་དཀའ་བས། ཁང་{བཟངས་,བཟང་}
D184.061.0100a03.01འདི་ལས་བདག་གིས་མཆོང་བར་བྱའོ་སྙམ་མོ། །དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པད་མ་འདབ་མ་འབུམ་དང་ལྡན་པ་བརྩེན་པ་ལག་མཐིལ་དུ་ཁྱེར་རོ། །དེ་ནས་ཁྱེའུ་རིན་ཆེན་བྱིན་གྱིས་ཁང་{བཟངས་,བཟང་}དེ་ལས་བདག་ཉིད་ཀྱིས་མཆོངས་སོ། །
D184.061.0100a04.01དེ་སངས་རྒྱས་ཀྱི་མཐུས་ནམ་མཁའ་བར་སྣང་ལ་འདུག་གོ། །དེ་ནས་ཁྱེའུ་རིན་ཆེན་བྱིན་གྱིས་རིལ་གྱིས་གསེར་ལས་བྱས་པའི་པད་མ་འདབ་མ་འབུམ་དང་ལྡན་པ་དེ་བཅོམ་ལྡན་འདས་ལ་ཕུལ་ལོ། །དེ་ཁྱེའུ་རིན་ཆེན་བྱིན་གྱི་ལག་ནས་བཏང་ནས་བཅོམ་ལྡན་འདས་ཀྱིས་དབུའི་དྲང་ཐད་
D184.061.0100a05.01ཀྱི་སྟེང་གི་ནམ་མཁའ་བར་སྣང་ལ་པད་མའི་གདུགས་སུ་བྱས་ཏེ་རིན་པོ་ཆེའི་དྲ་བ་ཡང་བྲེས་སོ། །དེ་ནས་དེའི་ཚེ་ཁྱེའུ་རིན་ཆེན་བྱིན་གྱིས་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་པད་མ་འདི་ཕུལ་བ། །བདག་ནི་ཅི་ཡང་མི་འཚལ་ཏེ། །དོན་རྣམས་ཐམས་ཅད་བཅད་སླད་དུ། །
D184.061.0100a06.01བདག་ནི་བྱང་ཆུབ་མཆོག་འཚལ་ལོ། །ཇི་ལྟར་བྱང་ཆུབ་མ་སྐྱེས་ལ། །ཐོབ་པ་མ་མཆིས་བཤིག་མ་མཆིས། །བླང་དུ་མ་མཆིས་དོར་མ་མཆིས། །དེ་ལྟར་བདག་གིས་མེ་ཏོག་དབུལ། །བྱིས་པ་རྣམས་ཀྱིས་དོན་གང་བརྟགས། །བརྟགས་པ་དེ་ནི་དོན་མ་མཆིས། །རྟོག་པ་
D184.061.0100a07.01