完整藏文原文 · 德格版页 当前仅加载第 61 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ་ཆོས་གོས་དང་ཤམ་ཐབས་གསོལ་ཏེ། ལྷུང་བཟེད་བསྣམས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་ཐབས་ཅིག་ཏུ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ལ་གཤེགས་སོ། །
D192.061.0244a01.01དེ་ནས་བཅོམ་ལྡན་འདས་རྒྱལ་པོའི་ཁབ་ཀྱི་གྲོང་ཁྱེར་དུ་མཐར་ཆགས་ཀྱིས་བསོད་སྙོམས་རྒྱུ་ཞིང་རྒྱལ་པོ་གཟུགས་ཅན་སྙིང་པོའི་ཕོ་བྲང་ག་ལ་བ་དེར་གཤེགས་སོ། །དེ་ནས་རྒྱལ་པོ་གཟུགས་ཅན་སྙིང་པོའི་བཙུན་མོ་བདེ་ལྡན་མ་ཞེས་བྱ་བ་ཁང་{བཟངས་,བཟང་}མཆོག་གི་སྟེང་ན་
D192.061.0244a02.01འདུག་པས་བཅོམ་ལྡན་འདས་ཐག་རིང་པོ་ནས་གཤེགས་པ་མཐོང་ངོ་། །མཐོང་ནས་ཀྱང་སེམས་དགའ་བར་གྱུར་ཏེ། ཁང་{བཟངས་ཀྱི་,བཟང་གི་}སྟེང་ནས་བབས་ནས། བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པའི་གདན་དར་
D192.061.0244a03.01དཀར་རིན་ཆེ་བ་བཏིང་ངོ་། །དེ་ནས་བཅོམ་ལྡན་འདས་དང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་གདན་བཤམས་པ་ལ་བཞུགས་སོ། །དེ་ནས་རྒྱལ་པོའི་བཙུན་མོ་བདེ་ལྡན་མ་ལུས་རྒྱན་ཐམས་ཅད་ཀྱིས་བརྒྱན་པས་བཅོམ་ལྡན་འདས་དང་། བྱང་ཆུབ་
D192.061.0244a04.01སེམས་དཔའ་སེམས་དཔའ་ཆེན་པོ་བྱམས་པའི་ཞབས་ལ་མགོ་བོས་ཕྱག་འཚལ་ནས་ཆོས་མཉན་པའི་ཕྱིར་ཞེ་ས་དང་བཅས། གུས་པ་དང་བཅས་པས་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་རྒྱལ་པོའི་བཙུན་མོ་བདེ་ལྡན་མ་ལུས་
D192.061.0244a05.01རྒྱན་ཐམས་ཅད་ཀྱིས་བརྒྱན་པ་ལ་གཟིགས་ནས་སེམས་ཅན་ཐམས་ཅད་ལ་ཕན་པའི་ཕྱིར་མཁྱེན་བཞིན་དུ་རྒྱལ་པོའི་བཙུན་མོ་བདེ་ལྡན་མ་ལ་བཀའ་སྩལ་པ། བདེ་ལྡན་མ་གང་ལུས་ལ་ཐོགས་པའི་འབྲས་བུ་འདི་ལྟ་བུ་ཤིན་ཏུ་ལྷམ་མེ་ལྷན་ནེ་ལྷ་ངེར་འདུག་པའི་ཤིང་དེའི་
D192.061.0244a06.01མིང་ཅི་ཞེས་བྱ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་རྒྱལ་པོའི་བཙུན་མོ་བདེ་ལྡན་མས་ཚིགས་སུ་བཅད་དེ་གསོལ་པ། གང་གི་འབྲས་བུ་ཁྱོད་ཐོགས་པ། །ཤིང་དེའི་མིང་ནི་ཅི་ཡིན་ཞེས། །དཔའ་བོ་ཆེན་པོ་མཁྱེན་བཞིན་དུ། །གང་ཟག་
D192.061.0244a07.01