完整藏文原文 · 德格版页 当前仅加载第 61 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱིན་གྱིས་བརླབ་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ཁྱོད་སེམས་ཅན་ཐམས་ཅད་ཀྱི་དོན་གྱི་ཕྱིར་དང་། དེ་བཞིན་གཤེགས་པའི་དམ་པའི་ཆོས་ཡོངས་སུ་གཟུང་བའི་ཕྱིར་དང་། དེ་བཞིན་གཤེགས་པའི་ཆོས་ཀྱི་ཚུལ་
D197.061.0274a01.01ཡོངས་སུ་བསྐྱེད་པའི་ཕྱིར་གོ་ཆ་ཆེན་པོ་བགོས་ཏེ་སེང་གེའི་སྒྲ་བསྒྲགས་པ་ལེགས་སོ་ལེགས་སོ། །ཆོས་ཀྱི་རྣམ་གྲངས་འདི་ཁྱོད་ལ་ཡོངས་སུ་གཏད་ཀྱིས་ཕྱི་མའི་ཚེ། ཕྱི་མའི་དུས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་པའི་དུས་ལ་བབ་ཅིང་སངས་རྒྱས་ཀྱི་བྱང་ཆུབ་འཇིག་
D197.061.0274a02.01པར་འགྱུར་ལ། འཇིགས་པ་ཆེན་པོས་འཇིག་པའི་དུས་ལ་བབ་པའི་ཚེ་ཁྱོད་ཀྱིས་ཆོས་ཀྱི་རྣམ་གྲངས་འདི་སེམས་ཅན་ཐམས་ཅད་ལ་བསྟན་པར་བྱའོ། །རབ་ཏུ་བསྒྲགས་པར་བྱའོ། །སྐྱེས་བུ་དམ་པ་དེ་དག་གི་མོས་པ་བསྐྱེད་པར་བྱའོ། །དོན་དམ་པའི་ཆོས་ཉིད་ཚད་མར་
D197.061.0274a03.01བྱས་ལ་མངོན་པར་བརྩོན་པས་ལས་གཞན་མི་བྱ་བར་རབ་ཏུ་བསྒྲགས་པར་བྱའོ། །དོན་དམ་པའི་ཆོས་ཉིད་ཁོ་ན་ལས་བརྩམས་ཏེ་དབང་དུ་བྱས་ལ་བསྟན་པར་བྱའོ། །ཅི་ནས་ཀྱང་སྐྱེས་བུ་དམ་པ་དེ་དག་གིས་ཆོས་ཀྱི་རྣམ་གྲངས་འདི་ཇི་ལྟ་བ་བཞིན་དུ་ཕྱིན་ཅི་མ་ལོག་པར་དོན་རྟོགས་
D197.061.0274a04.01པར་འགྱུར་བ་དེ་ལྟར་བསྟན་པར་བྱའོ། །བྱང་ཆུབ་སེམས་དཔའ་བྱམས་པས་གསོལ་པ། བཅོམ་ལྡན་འདས་དེ་ལྟར་འཚལ་ལོ། །དེ་ནས་དབང་པོ་དང་བཅས་པའི་ལྷ་རྣམས་དང་། ཚངས་པ་དང་བཅས་པའི་ལྷ་རྣམས་དང་། སྐྱེ་དགུའི་བདག་པོ་དང་བཅས་པ་རྣམས་
D197.061.0274a05.01ཀྱིས་ཆོས་ཀྱི་རྣམ་གྲངས་འདི་མཇུག་ཏུ་ཕྱིན་པའི་དུས་ལ་བབ་པར་ཤེས་ནས། བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ལྷའི་མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་།
D197.061.0274a06.01གོས་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་ནས་འདི་སྐད་ཅེས་བཅོམ་ལྡན་འདས་གང་གིས་སེམས་ཅན་དཔག་ཏུ་མ་མཆིས་པ་རྣམས་ཀྱི་དོན་བགྱིས་པ་ཆོས་ཀྱི་རྣམ་གྲངས་འདི་ནི་ཨ་ལ་ལ་བདུད་རྩི་བརྗོད་པ་ལགས་སོ་ཞེས་སྨྲས་སོ། །དེ་
D197.061.0274a07.01