完整藏文原文 · 德格版页 当前仅加载第 61 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དགྲོལ། །ཁྱུ་མཆོག་བདག་ཉིད་བདེ་ལ་གནས་ནས་ཀྱང་། །སྲོག་ཆགས་རྣམས་ནི་བདག་གིས་བདེ་ལ་དགོད། །འདྲེན་པ་བདེ་གཤེགས་གསུངས་པའི་ཆོས་གང་དག །དེ་ལ་བདག་ནི་སྤྱད་ཕྱིར་གནས་པར་བགྱི། །འདྲེན་པ་ཇི་ལྟར་ཁྱོད་ནི་ལྷ་མིས་
D198.061.0290a01.01མཆོད། །དེ་ལྟར་བདག་ཀྱང་མི་རྣམས་མཆོད་རྟེན་ཤོག །བྱང་ཆུབ་ཐམས་ཅད་མཆོག་ནི་ཚོལ་བགྱིད་ཅིང་། །བསྐལ་པ་མང་པོར་སྦྱིན་པ་སྦྱིན་པར་བགྱི། །ཟས་སྐོམ་གོས་དང་ཤིང་རྟ་བཞོན་པ་དང་། །གསེར་དངུལ་རིན་ཆེན་དུ་མའི་སྦྱིན་པ་བགྱི། །འདྲེན་པ་བདག་
D198.061.0290a02.01ནི་བསླབ་ལ་གུས་པར་བགྱིད། །དེ་ནི་ཇི་བཞིན་ཡོངས་སུ་བསྲུང་བར་བགྱི། །ཉམས་པར་མི་བགྱིད་གང་ལའང་གནས་མི་བགྱིད། །འདྲེན་པ་བདག་ནི་ཚུལ་ཁྲིམས་དག་པར་བགྱིད། །སེམས་ཅན་ཀུན་ལ་སྙོམས་པའི་བསམ་པ་ཡིས། །སྲོག་ཆགས་རྣམས་ལ་བྱམས་པའི་
D198.061.0290a03.01སེམས་སུ་བགྱི། །བཀུར་སྟི་བགྱིས་དང་བཀུར་སྟི་མ་བགྱིས་ལ། །མཐོ་བར་འགྱུར་དང་དམའ་བར་འགྱུར་མ་མཆིས། །བསྐལ་པ་བྱེ་བ་མང་པོ་བསམ་ཡས་པར། །བདག་ནི་ཇི་སྲིད་སྔན་ཆད་འཁོར་བར་གྱུར། །མི་དཔའ་ཁྱོད་ལ་བརྟེན་ནས་དེ་སྲིད་དུ། །སེམས་
D198.061.0290a04.01ཅན་གཅིག་གི་ཕྱིར་ཡང་སྤྲོ་བར་བགྱི། །ལྷ་མིའི་འདྲེན་པ་བདེ་གཤེགས་གསུངས་པ་ཡི། །བསམ་གཏན་བདེ་བ་དེ་ལ་གནས་པར་བགྱི། །འདྲེན་པ་བསམ་གཏན་བདེ་ལ་རེག་གནས་ཤིང་། །རྟག་ཏུ་དགོན་པའི་གནས་སུ་གནས་པར་བགྱི། །བདག་ནི་སྟོང་པ་ཉིད་
D198.061.0290a05.01ལ་ངེས་པར་བགྱི། །ལྟ་བ་ལ་ནི་རྟེན་པར་ཡོང་མི་བགྱིད། །དམའ་བའི་སྤྱོད་པ་རྟག་ཏུ་རྣམ་པར་སྤང་། །མཆོག་གི་སྤྱོད་པ་དྲི་མེད་སྤྱད་པར་བགྱི། །རིགས་ཀྱི་བུ་དེ་ལྟར་རྒྱལ་པོ་གསེར་མདོག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་མ་ཐག་པ་དེའི་མོད་
D198.061.0290a06.01ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་རབ་ཏུ་གཡོས་སོ། །རྒྱལ་པོ་བརྒྱད་ཁྲི་བཞི་སྟོང་པོ་དེ་དག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཁྱིམ་བདག་བརྒྱད་ཁྲི་བཞི་སྟོང་པོ་དེ་དག་དང་། ཚོང་དཔོན་
D198.061.0290a07.01