完整藏文原文 · 德格版页 当前仅加载第 62 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གང་ཡིན་པ་དེ་ནི་བགྲང་བ་ལས་བསྟན་པར་མི་ནུས་ལ། དེ་ལ་ནི་འོང་བ་ཡང་མེད། འགྲོ་བ་ཡང་མེད། འགྲེང་བ་ཡང་མེད། འདུག་པ་ཡང་མེད། ཉལ་བ་ཡང་མེད་དོ། །རྟོག་པ་ཅན་མ་ཡིན་པའི་དགེ་སློང་ནི་བརྟགས་པ་ལ་ལོངས་སྤྱོད་པའོ། །རྟོག་པ་ཅན་གྱི་དགེ་
D203.062.0080b01.01སློང་ནི་མ་བརྟགས་པ་ལ་ལོངས་སྤྱོད་པ་སྟེ། ཚེ་དང་ལྡན་པ་རབ་འབྱོར། བཅོམ་ལྡན་འདས་ཀྱིས་དེ་ལ་དགོངས་ནས་དེ་ཙམ་གྱིས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་འཕགས་པ་འཇིག་རྟེན་ལས་འདས་པའི་རྫོགས་པར་བསྙེན་པས་རྫོགས་པར་བསྙེན་པ་ཡིན་
D203.062.0080b02.01ཏེ། དེ་ལྟར་རབ་ཏུ་བྱུང་བ་གང་དག་ཡིན་པ་དེ་དག་ནི་ཡང་དག་པར་རབ་ཏུ་བྱུང་བ་ཡིན་གྱི། དེ་ལྟ་མ་ཡིན་པར་རབ་ཏུ་བྱུང་བ་གང་དག་ཡིན་པ་དེ་དག་ནི་ལོག་པར་རབ་ཏུ་བྱུང་བ་ཡིན་ནོ། །ཤཱ་རིའི་བུ་དགེ་སློང་དེ་ལྟ་བུས་ནི་དད་པས་བྱིན་པ་ལོངས་སྤྱད་པར་འོས་ཏེ། གོས་དང་། ཟས་
D203.062.0080b03.01དང་། མལ་ཆ་དང་། སྟན་དང་། ན་བའི་གསོས་སྨན་དང་། སྨན་ཟོང་རྣམས་ལོངས་སྤྱད་པར་འོས་སོ་ཞེས་བཀའ་སྩལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་ལེགས་སོ་ཞེས་བྱ་བ་བྱིན་ཏེ། ཤཱ་རིའི་བུ་ལེགས་སོ་ལེགས་སོ། །ཁྱོད་ཀྱིས་ཇི་སྐད་བསྟན་
D203.062.0080b04.01པ་བཞིན་དུ་ངས་དེ་ལས་དགོངས་ནས་བསྟན་པ་ཡིན་ཏེ། འདི་ནི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་ཡིན་ནོ། །ཤཱ་རིའི་བུ་ཕྱག་རྒྱ་འདིས་མངོན་པའི་ང་རྒྱལ་ཅན་བརྟག་པར་འདོད་པས་ནི་ཕྱག་རྒྱ་དེའི་མདུན་དུ་བརྗོད་པར་བྱའོ། །ཤཱ་རིའི་བུ་ཤིན་ཏུ་བརྟགས་པ་ནི་
D203.062.0080b05.01ཕྱག་རྒྱ་འདིས་ནི་མངོན་པའི་ང་རྒྱལ་ཅན་མང་པོ་བརྟག་པར་ནུས་སོ། །ཆོས་ཀྱི་རྣམ་གྲངས་འདི་བསྟན་པ་ན་དགེ་སློང་བདུན་བརྒྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །སྲིད་པ་ཐ་མ་པའི་དགེ་སློང་བརྒྱ་ནི་ཆོས་ཀྱི་རྣམ་གྲངས་འདི་ལ་མ་ཞུགས་ཤིང་མ་རྟོགས་ལ་
D203.062.0080b06.01མ་མོས་ནས་སྟན་ལས་ལངས་ཏེ་དོང་ངོ་། །དགེ་སློང་ལྔ་ནི་སྤོང་བ་བྱས་ཤིང་བཟློག་པ་བྱས་ནས་རང་གི་ལུས་དང་བཅས་ཏེ་སེམས་ཅན་དམྱལ་བ་ཆེན་པོར་ལྷུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ངས་ཀྱེ་མ་ཆོས་འདི་ནི་འཇིག་རྟེན་ཐམས་ཅད་དང་མི་འཐུན་ནོ་སྙམ་སྟེ།
D203.062.0080b07.01