完整藏文原文 · 德格版页 当前仅加载第 62 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
པད་མ་ཆུས་མ་གོས་པ་བཞིན་དུ་བཞུགས་སོ། །དེ་ནས་དེའི་ཚེ་རྒྱལ་པོ་གསལ་རྒྱལ་གྱིས་དེ་བཞིན་གཤེགས་པ་ལ་མཆོད་པའི་ཕྱིར་སྟོན་ཟླ་ཐ་ཆུང་ས་ཟླ་བ་ཉ་བའི་ཚེས་{བཅྭ་,བཅོ་}ལྔ་ལ། འབྲུ་མར་གྱིས་ཟངས་པོ་ཆེ་སྟོང་བཀང་སྟེ་དངར་ནས་མར་མེ་སྦར་བའི་འོད་ཀྱིས་ཁོ་ར་ཁོར་ཡུག་ཏུ་དཔག་ཚད་བཞིར་
D205.062.0092b01.01སྣང་བས་ཁྱབ་པར་བྱས་སོ། །དེ་ནས་ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ན་དགའ་བྱེད་མ་ཞེས་བྱ་བ་གྲོང་ཁྱེར་གྱིས་འཚོ་བ་ཞིག་འདུག་གོ། །དེས་འབྲུ་མར་སྲན་གྲེའུ་དང་སྦྱར་བ་ཉོས་ནས་ཞག་བཞི་ཁ་འཚོས་ཏེ་ཉམ་ཆུང་བར་གྱུར་ཏོ། །དེ་ནས་འབྲུ་མར་དེ་ཁྱེར་ཏེ་རྒྱལ་བུ་རྒྱལ་བྱེད་ཀྱི་ཚལ་དུ་
D205.062.0092b02.01སོང་ནས་ཁྱམས་ཀྱི་ནང་ལོགས་སུ་མར་མེ་སྦར་ཏེ་བཞག་ནས་འདི་ལྟར་སེམས་བསྐྱེད་དེ། །བཅོམ་ལྡན་འདས་བདག་དགེ་བའི་རྩ་བ་འདིས་མ་འོངས་པའི་དུས་ན་ཇི་ལྟར་ད་ལྟར་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་ལྟ་བ་བཞིན་དུ་བདག་ཀྱང་མ་འོངས་
D205.062.0092b03.01པའི་དུས་ན་སྟོན་པར་གྱུར་ཏེ་ཆོས་སྟོན་པར་གྱུར་ཅིག །དགེ་འདུན་ཡང་སྡུད་པར་གྱུར་ཅིག་ཅེས་བྱས་སོ། །འདི་ལྟར་ཡང་སེམས་བསྐྱེད་དེ། གལ་ཏེ་བདག་མ་འོངས་པའི་དུས་ན་སངས་རྒྱས་སུ་འགྱུར་བ་ཞིག་ན། མར་མེ་འདི་བདག་ཕྱིར་མ་འོངས་ཀྱི་བར་དུ་འབར་བར་གྱུར་ཅིག་ཅེས་བྱས་
D205.062.0092b04.01ནས་མར་མེ་དེ་སྤར་ཏེ་གྲོང་ཁྱེར་དུ་སོང་ན། མར་མེ་དེའི་འོད་ཀྱིས་འཛམ་བུའི་གླིང་ཐམས་ཅད་སྣང་བར་གྱུར་ཏེ་ནམ་ནངས་ཀྱི་བར་དུ་ཡང་མར་མེ་དེ་མ་ཤིའོ། །དེ་ནས་ཚེ་དང་ལྡན་པ་མཽང་གལ་གྱི་བུ་ཆེན་པོས་ཆོས་གོས་ཀྱི་མཐའ་མས་མར་མེ་གསད་པར་བྱས་ན་གསད་པར་མ་ནུས་སོ། །དེ་
D205.062.0092b05.01ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་རྣམ་པར་འཐོར་རླུང་གིས་གསད་པར་བྱས་ཀྱང་གསད་པར་མ་ནུས་སོ། །དེ་ནས་ཚེ་དང་ལྡན་པ་མཽང་གལ་གྱི་བུ་ཆེན་པོས་ཚངས་པའི་འཇིག་རྟེན་དུ་འདུག་ནས་སྟོང་གསུམ་འདིར་ཤིང་རྟའི་སྲོག་ཤིང་ཙམ་གྱི་ཆར་གྱི་རྒྱུན་དབབ་པར་བྱིན་གྱིས་
D205.062.0092b06.01བརླབས་ཏེ་མར་མེ་དེའི་སྟེང་དུ་བཏང་ཡང་གསད་པར་མ་ནུས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་ཐོང་ཤིག །མར་མེ་འདི་ནི་བྱང་ཆུབ་ཀྱི་སེམས་ཀྱིས་སྦར་བ་ཡིན་ལ། བྱང་ཆུབ་ཀྱི་སེམས་ནི་ཉན་ཐོས་ཀྱིས་ཟིལ་གྱིས་གནན་པར་མི་ནུས་སོ། །དེ་ཅིའི་
D205.062.0092b07.01