完整藏文原文 · 德格版页 当前仅加载第 62 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
གནོད་སེམས་ཀྱི་སྤྱོད་པ་དང་བྲལ་བར་མི་མཐོང་ངོ་། །བརྩོན་འགྲུས་བརྩམས་པ་ཡིན་མོད་ཀྱི། ལུས་དང་སེམས་ཀྱིས་བརྩོན་པ་མ་ཡིན་ནོ། །བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ལ་མཁས་པ་ཡིན་མོད་ཀྱི། སེམས་རྩེ་གཅིག་ཏུ་
D207.062.0098b01.01གནས་པར་གྱུར་པ་ཡང་མ་ཡིན་ནོ། །སྤྱོད་ཡུལ་ཤེས་རབ་ལ་གནས་པ་ཡིན་མོད་ཀྱི། བདག་འགྲོ་བ་ཐམས་ཅད་ལས་ཡོངས་སུ་མ་གྲོལ་བར་མཐོང་ངོ་། །འཇམ་དཔལ་བྱང་ཆུབ་སེམས་དཔའ་ཆོས་འདི་དྲུག་དང་ལྡན་ན་བྱ་བ་དེ་དག་ཡོངས་སུ་རྫོགས་པར་བྱེད་ཅིང་ཡོན་ཏན་གྱི་ཆོས་ཐམས་ཅད་ལ་
D207.062.0098b02.01ཡང་གནས་པ་ཡིན་ནོ། །འཇམ་དཔལ་གཞན་ཡང་ཆོས་དྲུག་དང་ལྡན་ན། བྱང་ཆུབ་སེམས་དཔའ་བྱ་བ་དེ་དག་ཡོངས་སུ་རྫོགས་པར་བྱེད་ཅིང་ཡོན་ཏན་གྱི་ཆོས་ཐམས་ཅད་ལ་ཡང་གནས་པ་ཡིན་ནོ། །དྲུག་གང་ཞེ་ན། འདི་ལ་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་
D207.062.0098b03.01སུ་གཟུང་བ་ཡང་ཡོངས་སུ་འཛིན་ལ་མཐོ་རིས་ཀྱི་ཆོས་ཀྱང་མྱོང་བར་བྱེད་པ་དང་། དུད་འགྲོར་འགྲོ་བའི་གནས་ཀྱང་ཡོངས་སུ་འཛིན་ལ་མིའི་ཆོས་རྒྱ་ཆེན་པོ་ཡང་མྱོང་བར་བྱེད་པ་དང་། རིགས་དམའ་བར་སྐྱེ་བ་ཡོངས་སུ་གཟུང་བ་ཡང་ཡོངས་སུ་འཛིན་ལ་འཁོར་ལོས་སྒྱུར་བའི་རྒྱལ་སྲིད་ཀྱི་བདེ་བ་ཡང་
D207.062.0098b04.01མྱོང་བར་བྱེད་པ་དང་། སྐྱེ་བ་ཐམས་ཅད་དུ་གཏོགས་པར་ཡང་སྟོན་ལ་འགྲོ་བའི་ཁྱད་པར་གྱི་བྱ་བ་རྣམས་ཀྱང་མྱོང་བར་བྱེད་པ་དང་། སངས་རྒྱས་ཀྱི་ཞིང་ཐམས་ཅད་དུ་འགྲོ་བ་ལ་མཁས་པ་ཡང་ཡིན་ལ་གནས་ནས་ཀྱང་མི་འཕོ། འགྲོ་བ་ཡང་མེད། འོང་བ་ཡང་མེད་ཅིང་སངས་རྒྱས་ཀྱི་ཞིང་ཐམས་
D207.062.0098b05.01ཅད་དུ་ཡང་ཆུའི་ཟླ་བ་བཞིན་དུ་སྣང་བ་དང་། སྒྲ་སྐད་ཐམས་ཅད་ཀྱང་འབྱིན་ལ་ཕན་ཚུན་འདྲེས་པར་ཡང་མི་བྱེད་པ་ཡིན་ཏེ། འཇམ་དཔལ་བྱང་ཆུབ་སེམས་དཔའ་ཆོས་དེ་དྲུག་དང་ལྡན་ན་བྱ་བ་དེ་དག་སྟོན་ཅིང་ཡོན་ཏན་གྱི་ཆོས་ཐམས་ཅད་ལ་ཡང་གནས་པ་ཡིན་ནོ། །དེ་སྐད་ཅེས་བཀའ་སྩལ་པ་
D207.062.0098b06.01དང་། བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་སུ་གཟུང་བ་ཡང་ཡོངས་སུ་འཛིན་ལ་མཐོ་རིས་ཀྱི་ཆོས་ཀྱང་མྱོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ།
D207.062.0098b07.01