完整藏文原文 · 德格版页 当前仅加载第 63 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་འཇིགས་བྲལ་ཡང་དག་གསལ་བྱེད་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་དང་། བྱང་ཆུབ་སེམས་དཔའ་ཁེངས་མེད་གནས་དང་། བྱང་ཆུབ་སེམས་དཔའ་སངས་རྒྱས་ཀྱི་ཞིང་མཐའ་ཡས་པའི་ཆོ་ག་སེམས་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་
D227.063.0185b01.01ཕྱུག་དང་། བྱང་ཆུབ་སེམས་དཔའ་སྤོས་ཀྱི་གླང་པོ་ཆེ་དང་། བྱང་ཆུབ་སེམས་དཔའ་བལ་གླང་སྤོས་ཀྱི་གླང་པོ་ཆེ་དང་། བྱང་ཆུབ་སེམས་དཔའ་གཟི་བརྗིད་དབྱངས་ཀྱི་དབང་ཕྱུག་དང་། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་དང་། བྱང་ཆུབ་སེམས་དཔའ་བརྩོན་པ་མི་གཏོང་བ་
D227.063.0185b02.01གནས་པ་དང་། བྱང་ཆུབ་སེམས་དཔའ་ཡོན་ཏན་བརྒྱ་སྟོང་བརྒྱན་དང་། བྱང་ཆུབ་སེམས་དཔའ་ཐམས་ཅད་མཁྱེན་གྱི་ཡེ་ཤེས་ལ་རྨོངས་པ་མེད་པར་སེམས་པ་དང་། བྱང་ཆུབ་སེམས་དཔའ་བརྗོད་པ་གྲགས་པའི་ཏོག་གི་རྒྱལ་མཚན་དང་། བྱང་ཆུབ་སེམས་དཔའ་ཆོས་ཐམས་ཅད་ཀྱིས་ཕན་གདགས་
D227.063.0185b03.01པ་དང་། བྱང་ཆུབ་སེམས་དཔའ་སངས་རྒྱས་ཀྱི་ཡུལ་དང་མ་བྲལ་བར་གནས་པ་དང་། བྱང་ཆུབ་སེམས་དཔའ་ཙན་དན་གྱིས་བརྒྱན་པའི་གཟི་བརྗིད་ཀྱིས་བཏུལ་བས་རྣམ་པར་གནོན་པ་དང་། བྱང་ཆུབ་སེམས་དཔའ་འཇིག་རྟེན་ཀུན་གྱིས་མཆོད་གྲགས་དང་། བྱང་ཆུབ་སེམས་དཔའ་ཉི་ཤུ་པོ་དེ་དག་
D227.063.0185b04.01གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་དེ་དེ་ལྟ་ལགས་ཏེ་བདག་ཅག་ཀྱང་ཤར་ཕྱོགས་ཀྱི་སངས་རྒྱས་ཀྱི་ཞིང་གང་གཱའི་ཀླུང་དྲུག་ཅུའི་བྱེ་མ་སྙེད་དུ་མཆིས་ཏེ། སངས་རྒྱས་བཅོམ་ལྡན་འདས་ལ་བསྙེན་བཀུར་བགྱིས་ན་
D227.063.0185b05.01ཐམས་ཅད་ན་ཡང་བཅོམ་ལྡན་འདས་ཉིད་ཆོས་སྟོན་པ་མཛད་དོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་རྣམས་སུ་མཆིས་ན་ཡང་དེ་བཞིན་དུ་སེམས་ཅན་རྣམས་ལ་ཆོས་སྟོན་པ་མཛད་དོ། །བཅོམ་ལྡན་འདས་དེ་དག་ཏུ་བདག་ཅག་གིས་གདུགས་བདུན་དུ་སངས་རྒྱས་ཀྱི་ཞིང་དུ་རྒྱུ་བ་བགྱིས་
D227.063.0185b06.01ན་སངས་རྒྱས་གཞན་མ་མཐོང་ནས་སླར་འདིར་ཆོས་ཉན་དུ་མཆིས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་ལྟོས། དེ་བཞིན་གཤེགས་པའི་ཡུལ་དང་ཡེ་ཤེས་ནི་དེ་ལྟར་ཚད་མེད། སངས་རྒྱས་ཀྱི་ཡུལ་ནི་དེ་ལྟར་བསམ་
D227.063.0185b07.01