完整藏文原文 · 德格版页 当前仅加载第 65 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཡང་བྱེད་དོ། །འདུ་འཛི་སྤོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུས་བྱང་ཆུབ་སེམས་དཔའ་འཇམ་དཔལ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་ཆོས་བསྟན་པ་ནི་རབ་ཏུ་ངོ་མཚར་ཏོ། །འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་ངོ་མཚར་མི་ཆེ་སྟེ། དགྲ་བཅོམ་པ་ཟག་པ་
D241.065.0303a01.01མེད་པ་ནི་ཆོས་སྟོན་པའི་སྣོད་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་ཆོས་བསྟན་པ་འདི་ནི་སོ་སོའི་སྐྱེ་བོའི་ཆོས་ལ་ཞུགས་པ་མ་ཡིན། དགྲ་བཅོམ་པའི་ཆོས་ལ་ཞུགས་པ་མ་ཡིན། རང་སངས་རྒྱས་ཀྱི་ཆོས་ལ་ཞུགས་པ་མ་ཡིན། དེ་བཞིན་གཤེགས་པའི་ཆོས་ལ་ཞུགས་པ་མ་ཡིན་པའི་ཕྱིར་ཏེ། འདི་
D241.065.0303a02.01ནི་ཆོས་དམིགས་པའི་ཕྱིར་ཡང་ཞུགས་པ་མ་ཡིན་ནོ། །འདི་ནི་གང་དུ་ཡང་ཞུགས་པ་དང་ལྡོག་པ་མེད་པའི་ཕྱིར་རོ། །ཆོས་ཐམས་ཅད་ཤིན་ཏུ་དབེན་པའི་ཕྱིར་རོ། །སྨྲས་པ། འཇམ་དཔལ་ཅི་ལ་བསམས་ཏེ་སྨྲ། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་དགྲ་བཅོམ་པ་ཉིད་ནི་འདོད་ཆགས་དང་།
D241.065.0303a03.01ཞེ་སྡང་དང་། གཏི་མུག་ཟད་པ་ཡིན་ན་དེ་དག་གང་གི་སྣོད་ཡིན་ཞིང་དེ་གང་ཇི་ལྟ་བུ་ཞིག་གི་སྣོད་དུ་འགྱུར་སྙམ་སྟེ། དེ་ལས་བསམས་ནས་དགྲ་བཅོམ་པ། ཟག་པ་ཟད་པ། ཆོས་བསྟན་པའི་སྣོད་མ་ཡིན་པར་ཁོ་བོ་དེ་སྐད་སྨྲའོ། །སྨྲས་པ། བཙུན་པ་ཤཱ་རིའི་བུ་ཁྱོད་འཆི་འཕོ་བ་དང་། སྐྱེ་བ་མེད་པའི་ཆོས་ཡིན་
D241.065.0303a04.01པར་མོས་སམ། སྨྲས་པ། འཇམ་དཔལ་བདག་མོས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཇམ་དཔལ་ལ་བཀའ་སྩལ་པ། འཇམ་དཔལ་ལེགས་སོ་ལེགས་སོ། །ཆོས་ཟབ་མོའི་དོན་ལ་ཁྱོད་རབ་ཏུ་མཁས་པར་བསྔགས་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་
D241.065.0303a05.01བཀའ་སྩལ་ནས། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། ཚེ་དང་ལྡན་པ་ཤཱ་རིའི་བུ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་ཏིང་ངེ་འཛིན་གྱི་
D241.065.0303a06.01འཁོར་ལོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།།
D241.065.0303a07.01