完整藏文原文 · 德格版页 当前仅加载第 66 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུར་མི་གཡོས་སོ། །དེ་ནས་རྒྱལ་པོ་རྒྱལ་བ་ཐོབ་པ་དང་། རྒྱལ་མོ་རིན་ཆེན་དཔལ་གྱིས་བུ་དེ་བླངས་ཏེ། བཙུན་མོའི་འཁོར་དང་གཡོག་ཏུ་བཅས་པར་བཅོམ་ལྡན་འདས་དེའི་ཞབས་ཀྱི་དྲུང་དུ་ཕྱིན་ནས་བཅོམ་ལྡན་འདས་ལ་ལན་བདུན་བསྐོར་བ་བྱས་ཏེ། བརྒྱ་སྟོང་
D247.066.0044a01.01རི་བའི་མུ་ཏིག་གི་སེ་མོ་དོ་ཕུལ་ལོ། །ཕུལ་ནས་ཀྱང་འཁོར་དེ་ཉིད་དུ་འདུག་པར་གྱུར་ཏོ། །རིགས་ཀྱི་བུ་དེ་ནས་རྒྱལ་བུ་དེས་རྫུ་འཕྲུལ་གྱི་སྟོབས་བསྐྱེད་པ་བྱས་ནས་ཤིང་ཏ་ལ་བདུན་སྲིད་ཙམ་གྱི་བར་སྣང་གི་ནམ་མཁའ་ལ་འདུག་སྟེ། བཅོམ་ལྡན་འདས་མེ་ཏོག་ལས་བྱུང་བ་དེ་ལ་རིན་
D247.066.0044a02.01པོ་ཆེའི་ཆར་དང་། མེ་ཏོག་གི་ཆར་དང་། སྤོས་ཀྱི་ཆར་རྣམས་ཀྱིས་གཏོར་མངོན་པར་གཏོར་ཏོ། །གཏོར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྟོན་པ་རྒལ་ནས་སེམས་ཅན་རྣམས། །སྡུག་བསྔལ་ཆུ་བོ་ཆེ་ལས་སྒྲོལ། །བདག་ནི་ཐམས་ཅད་མཁྱེན་པ་ཁྱོད། །
D247.066.0044a03.01བལྟ་བའི་སླད་དུ་འདིར་མཆིས་སོ། །འཇིག་རྟེན་མགོན་པོ་བླ་ན་མེད། །ལྷ་དང་མི་ཡི་འཇིག་རྟེན་ན། །ཁྱོད་ཀྱིས་ཡོན་ཏན་གང་བསྟན་དང་། །ཁྱོད་འདྲ་བ་ནི་ཡོང་མ་མཆིས། །སེམས་ཅན་ཤུལ་ངན་ལྷུང་གྱུར་ཅིང་། །འདོད་ཆགས་ཞེ་སྡང་དབང་མཆིས་རྣམས། །ཐེག་པ་
D247.066.0044a04.01དམན་ལ་གཞག་མཛད་ནས། །ཐེག་པ་ཆེན་པོ་བརྗོད་པར་མཛད། །ཐབས་ལ་མཁས་ཤིང་དཔའ་བ་སྟེ། །ཐུགས་རྗེ་ཆེན་པོའི་དབང་དུ་གྱུར། །ཆོས་ནི་དོན་ཏེ་ཆོས་ཀྱིས་ངོམས། །ཆོས་རྩོམ་ཡོན་ཏན་འབྱུང་གནས་པོ། །གང་དག་སྐྱེ་བ་མ་མཆིས་པ། །ཆོས་དེ་སྙིང་པོ་མེད་
D247.066.0044a05.01མཁྱེན་ནས། །ཆོས་ཉིད་ཀྱང་ནི་ཁྱོད་ཀྱིས་མཁྱེན། །དེས་ན་ཁྱོད་ཀྱིས་དཀའ་བ་མཛད། །དེ་ནས་གཞོན་ནུ་དེས་ཚིག་འདི་དག་གིས་བཅོམ་ལྡན་འདས་དེ་ལ་བསྟོད་ནས་ཡང་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ཀྱི་དྲུང་དུ་འདུག་གོ། །དེ་ནས་བཅོམ་ལྡན་འདས་ཀྱིས་པད་
D247.066.0044a06.01མའི་འདབ་མ་ལྟར་ཡངས་པའི་སྤྱན་གྱིས་ཕྱོགས་ཐམས་ཅད་དུ་གཟིགས་ཏེ། འཁོར་བཞི་པོ་དེ་དག་གི་སེམས་དང་སེམས་ལས་བྱུང་བ་མཁྱེན་ནས། རྒྱལ་པོ་རྒྱལ་བ་ཐོབ་པ་དེ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཕུང་པོ་ལྔ་པོ་དེ་དག་ནི་སྙིང་པོ་མེད་པ་ཡིན་ན་བྱིས་པ་སོ་
D247.066.0044a07.01