完整藏文原文 · 德格版页 当前仅加载第 66 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་འགྲུས་འདིས་བྱང་ཆུབ་སེམས་དཔའ་མཁས་པའི་བརྩོན་འགྲུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །ཤཱ་རིའི་བུ་ཆོས་བཞི་དང་ལྡན་ན་བྱང་ཆུབ་སེམས་དཔའ་ཤེས་རབ་དང་ལྡན་ཞིང་མྱུར་དུ་བླ་ན་མེད་པ་ཡང་དག་པར་
D248.066.0056b01.01རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། བཞི་གང་ཞེ་ན། ཤཱ་རིའི་བུ་བྱང་ཆུབ་སེམས་དཔའ་ཐོས་པ་མང་བ་ཡིན། ཐོས་པ་འཛིན་པ་ཡིན། ཐོས་པ་བསགས་པ་ཡིན། ཚངས་པ་མཚུངས་པར་སྤྱོད་པ་རྒན་རབས་དང་། བར་མ་དང་། གསར་
D248.066.0056b02.01བུ་ལ་གུས་པ་དང་བཅས་པ་ཡིན། དྲིས་ན་ལག་པ་གཡས་པས་ལམ་ནི་འདིའོ། །ལམ་ནི་འདིའོ་ཞེས་ཉེ་བར་སྟོན་པ་ཡིན་ཞིང་ཆོས་སྟོན་པ་ལ་བརྩོན་པ་ཡིན་ནོ། །ཤཱ་རིའི་བུ་ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔའ་ཤེས་རབ་དང་ལྡན་པར་འགྱུར་ཞིང་མྱུར་དུ་བླ་ན་
D248.066.0056b03.01མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ལ་ཇི་ལྟར་ཐོས་པ་བཙལ་བར་བྱ་ཞེ་ན། རང་གི་འདོད་པ་བཏང་སྟེ་མཁན་པོ་དང་། སློབ་དཔོན་གྱི་གཞུང་ལ་རབ་ཏུ་གནས་པ་དང་། གུས་པ་དང་བཅས་པར་བྱའོ། །ཆོས་བཞི་རྣམ་
D248.066.0056b04.01པར་སྤང་བར་བྱ་བ་ཡིན་ཏེ། བཞི་གང་ཞེ་ན། གཉིད་དང་། རྨུགས་པ་དང་། བྲེ་མོའི་གཏམ་དང་། ཁྲོ་བ་དང་། ཁེངས་པ་ཉིད་དེ། ཆོས་བཞི་པོ་འདི་དག་རྣམ་པར་སྤང་བར་བྱའོ། །ཆོས་བཞི་དག་ལ་གོམས་པར་བྱ་བ་ཡིན་ཏེ། བཞི་གང་ཞེ་ན། མི་ཉལ་བ་ལ་གོམས་པ་དང་།
D248.066.0056b05.01བརྩོན་འགྲུས་བརྩམས་ཤིང་འཆག་པའི་རང་བཞིན་ཅན་དུ་བྱ་བ་དང་། མཁན་པོ་དང་སློབ་དཔོན་གྱི་བསྙེན་བཀུར་ལ་གུས་པ་དང་བཅས་ཤིང་ཁེངས་པ་མེད་པ་དང་། གཞན་དག་ལ་གུས་པ་བསྐྱེད་པས་ཐོས་པ་འཛིན་པ་དང་། དེ་སེམས་ལ་བཞག་ནས་ཚིག་ཡོངས་སུ་རྫོགས་པར་བྱེད་
D248.066.0056b06.01པ་སྟེ། ཆོས་བཞི་པོ་དེ་དག་དང་ལྡན་ན་ཐོས་པ་ཚོལ་བ་ཡིན་ནོ། །ཆོས་བཞི་པོ་འདི་དག་གིས་ཀྱང་སློབ་དཔོན མཉེས་པར་བྱེད་དེ། བཞི་གང་ཞེ་ན། ངེས་པ་དང་བཤེས་པ་དང་། བཤེས་པ་བརྟན་པ་དང་། ཆོས་ལ་གནས་པ་དང་། ངེས་པའི་ཚིག་བཟང་པོ་དང་ལྡན་པ་སྟེ།
D248.066.0056b07.01