完整藏文原文 · 德格版页 当前仅加载第 66 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་གཅིག་སྟེ། འདི་ལྟར་བདག་ཏུ་འཛིན་པ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་ལེ་ལོ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་
D259.066.0262a01.01རྨུགས་པ་དང་གཉིད་དེ། འདི་ནི་སྤང་བར་བྱ་བའི་ཆོས་གཅིག་གོ། །ཡང་སྤང་བར་བྱ་བའི་ཆོས་གཅིག་སྟེ། འདི་ལྟར་སྲེད་པ་སྟེ། འདི་ནི་སྤང་བར་བྱ་བའི་ཆོས་གཅིག་གོ། །རིགས་ཀྱི་བུ་ཡང་བྱང་ཆུབ་སེམས་དཔའ་སྤང་བར་བྱ་བའི་ཆོས་གཅིག་སྟེ། འདི་ལྟར་མ་རིག་
D259.066.0262a02.01པ་སྟེ། རིགས་ཀྱི་བུ་འདི་ནི་བྱང་ཆུབ་སེམས་དཔས་སྤང་བར་བྱ་བའི་ཆོས་གཅིག་གོ། །རིགས་ཀྱི་བུ་གང་བྱང་ཆུབ་སེམས་དཔས་རྟག་པར་རྒྱུན་དུ་མངོན་པར་བསྲུང་བར་བྱ་བའི་ཆོས་གཅིག་པོ་དེ་གང་ཞེ་ན། རིགས་ཀྱི་བུ་བྱང་ཆུབ་སེམས་དཔས་གང་བདག་མི་འདོད་པ་དེ་གཞན་
D259.066.0262a03.01དག་ལ་མི་བྱའོ། །རིགས་ཀྱི་བུ་བྱང་ཆུབ་སེམས་དཔའ་གང་ལ་ལ་ཞིག་ཆོས་གཅིག་པོ་དེ་སྲུང་ན། དེས་དེ་བཞིན་གཤེགས་པའི་བསླབ་པའི་གཞི་ཐམས་ཅད་བསྲུངས་པར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་གང་བདག་གི་སྲོག་ཕངས་པར་འཛིན་པ་དེ་སྲོག་མི་
D259.066.0262a04.01གཅོད་དོ། །གང་བདག་གི་ནོར་ཕངས་པར་འཛིན་པ་དེ་མ་བྱིན་པར་མི་ལེན་ཏོ། །གང་བདག་གི་ཆུང་མ་ཕངས་པར་འཛིན་པ་དེ་གཞན་གྱི་ཆུང་མའི་གན་དུ་མི་འགྲོའོ། །རིགས་ཀྱི་བུ་དེ་ལ་སོགས་ཏེ། གང་ལ་ལ་ཞིག་འདི་སྙམ་དུ་དེ་བཞིན་གཤེགས་པའི་བཀའ་བཞིན་དུ་བྱའོ་
D259.066.0262a05.01སྙམ་དུ་སེམས་པ་དེས་ཆོས་གཅིག་པོ་འདི་བསྲུང་བར་བྱའོ་ཞེས་བཤད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་གང་ལ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་དེ་དག་ཐམས་ཅད་ནི་རང་གི་བདེ་བའི་རྒྱུར་དོན་དུ་གཉེར་གྱི། །སུ་ཡང་བདག་སྡུག་བསྔལ་
D259.066.0262a06.01བ་མི་འདོད་དེ། འགྲོ་བ་ནི་བདེ་བ་འདོད་ཅེས་བྱ་བའི་ཐ་ཚིག་གོ། །གང་ཁྱེད་ཅག་མི་འདོད་པ་དེ་གཞན་དག་ལ་མ་བྱེད་ཅིག་ཅེས་ང་སྨྲའོ། །རིགས་ཀྱི་བུ་འདི་ནི་གང་བྱང་ཆུབ་སེམས་དཔས་རྟག་པར་རྒྱུན་དུ་མངོན་པར་བསྲུང་བར་བྱ་བའི་ཆོས་གཅིག་གོ། །རིགས་ཀྱི་བུ་
D259.066.0262a07.01