完整藏文原文 · 德格版页 当前仅加载第 66 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། བྱང་ཆུབ་སེམས་དཔའ་དགའ་བར་བྱེད་པ་ག་ལ་བ་དེར་སོང་ངོ་། །དེ་ནས་བུ་མོ་བསོད་ནམས་ལྡན་མཆོག་གིས་མཐོང་མ་ཐག་ཏུ་བྱང་ཆུབ་སེམས་དཔའ་དགའ་བར་བྱེད་པའི་སྐད་དང་བལྟས་པ་ལས་རྗེས་སུ་རྟོགས་པའི་མཚན་མ་བཟུང་ནས་འདོད་ཆགས་ཀྱིས་ཡོངས་
D261.066.0290b01.01སུ་བཟུང་བའི་སེམས་ཀྱི་འདོད་ཆགས་ཀྱིས་ཡོངས་སུ་གདུངས་ཤིང་འགྲེང་བཞིན་དུ་ལུས་ཐམས་ཅད་ཀྱང་བརྟུལ་ནས་འཆི་བའི་དུས་བྱས་ནས་བྱང་ཆུབ་སེམས་དཔའ་དགའ་བར་བྱེད་པས་བུ་མོ་བསོད་ནམས་ལྡན་མཆོག་མཐོང་སྟེ། འདོད་ཆགས་ཀྱི་སེམས་ཚུལ་བཞིན་མ་
D261.066.0290b02.01ཡིན་པ་ཡིད་ལ་བྱེད་པའི་རྣམ་པར་རྟོག་པ་བྱུང་བ་དང་། དེའི་ཚེ་དེ་ལ་ཆགས་པ་ཞེས་བྱ་བའི་ཆོས་དེ་གང་ཡིན་ཞེས་དྲན་པ་སྐྱེས་ནས། ཅི་མིག་དེ་ཆགས་པའམ་ཞེ་ན། མིག་ཀྱང་ཚོར་བ་མེད་པ། བྱེད་པ་མེད་པ་འདུས་བྱས་པ། ཤའི་ཕུང་པོ་སྟེ། རང་བཞིན་གྱིས་སྟོང་
D261.066.0290b03.01པའི་ཕྱིར་ཚོར་བ་མེད་དོ་འོ་ན་རྣ་བ་དང་། སྣ་དང་། ལྕེ་དང་ལུས་དང་ཡིད་ཆགས་པའམ་ཞེ་ན། དེས་ནང་ཡང་རུང་། ཕྱི་ཡང་རུང་། འདོད་ཆགས་པར་འགྱུར་བའམ། ཞེ་སྡང་བར་འགྱུར་བའི་ཆོས་དེ་གང་ཡང་མ་དམིགས་སོ། །དེས་མ་དམིགས་ནས་འདོད་ཆགས་ཀྱི་
D261.066.0290b04.01སེམས་དེ་བསལ་ཏེ་དེའི་ལུས་པགས་པ་དང་ཤས་གཡོགས་པའི་རྐང་པའི་མཐིལ་ཡན་ཅད་སྤྱི་བོའི་བར་དུ་བརྟགས་སོ། །དེས་ཡང་དག་པ་ཇི་ལྟ་བར་བརྟགས་ནས་ཆོས་ཐམས་ཅད་མི་སྐྱེ་བར་རྟོགས་ཏེ་མི་སྐྱེ་བའི་ཆོས་ལ་བཟོད་པ་ཐོབ་པ་དང་། དེ་དགའ་བ་དང་རབ་
D261.066.0290b05.01ཏུ་མགུ་བ་དེ་ཉིད་ཀྱིས་སྟེང་གི་བར་སྣང་ལ་ཤིང་ཏ་ལ་གང་ཙམ་དུ་འཕགས་ནས་མཉན་དུ་ཡོད་པའི་གྲོང་ཁྱེར་ཆེན་པོ་ལན་བདུན་དུ་བསྐོར་ཏེ། བཅོམ་ལྡན་འདས་ག་ལ་བ་དེར་སོང་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དགའ་བར་བྱེད་པ་སྟེང་གི་བར་
D261.066.0290b06.01སྣང་ལས་ངང་པའི་རྒྱལ་པོ་བཞིན་དུ་ཐོགས་པ་མེད་པར་འོང་བ་གཟིགས་སོ། །གཟིགས་ནས་ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་བར་བྱེད་པ་བར་སྣང་ལས་འོང་བ་མཐོང་ངམ། གསོལ་
D261.066.0290b07.01