完整藏文原文 · 德格版页 当前仅加载第 68 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
མཉེས་པར་བྱེད། །དད་པ་བླ་ན་མེད་པ་འཐོབ། །སངས་རྒྱས་རྣམས་ལ་རབ་དད་ཅིང་། །མཆོད་པ་དམ་པ་བྱེད་པར་འགྱུར། །སངས་རྒྱས་འབྱུང་བ་མཉེས་བྱེད་དེ། །མཐོང་ནས་སྟོན་ལ་རབ་ཏུ་དད། །འཇིག་རྟེན་སྒྲོན་མ་མཐོང་ནས་ནི། །མཆོད་པ་བཟང་པོ་བྱེད་པར་
D273.068.0028b01.01འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །འཁོར་བ་རྣམ་པར་སྤངས་ནས་སུ། །བྱང་ཆུབ་མྱུར་དུ་འཚང་ཡང་རྒྱ། །ཉིན་ཞག་བདུན་དུ་ཚང་བར་ནི། །མཚན་རྣམས་འདི་དག་འཛིན་བྱེད་ན། །གང་གིས་འདྲེན་
D273.068.0028b02.01རྣམས་མཐོང་འགྱུར་བའི། །རྒྱ་ཆེན་མིག་ནི་སྦྱངས་པར་འགྱུར། །འཇིག་རྟེན་མགོན་པོ་དེ་དག་གི །མཚན་རྣམས་མི་གང་འཛིན་བྱེད་པ། །སྐྱེ་བ་གང་དང་གར་སྐྱེས་པར། །དེ་ནི་ཕྱག་བྱའི་འོས་སུ་འགྱུར། །མཚན་རྣམས་འདི་དག་འཛིན་བྱེད་པ། །
D273.068.0028b03.01བསྐལ་པ་བྱེ་བ་བསམ་ཡས་སུ། །བཀུར་སྟི་མ་ཡིན་འཐོབ་མི་འགྱུར། །འཇིག་རྟེན་དག་ན་གྲགས་པ་འཐོབ། །མཚན་རྣམས་འདི་དག་འཛིན་བྱེད་པ། །དེ་ལ་བསྐལ་པ་དུ་མར་ནི། །ལྷ་རྣམས་བསྟི་སྟང་བྱེད་པར་འགྱུར། །བྱང་ཆུབ་མྱུར་དུ་འཚང་
D273.068.0028b04.01ཡང་རྒྱ། །མཚན་རྣམས་འདི་དག་འཛིན་བྱེད་པ། །མོས་བྱེད་ཤེས་རབ་འཆལ་མི་འགྱུར། །གཡོ་དང་སྒྱུ་ནི་རྣམ་པར་སྤངས། །རྟག་ཏུ་སངས་རྒྱས་རྣམས་ཀྱང་མཐོང་། །མཚན་རྣམས་འདི་དག་འཛིན་བྱེད་པ། །ལྷ་དང་དྲི་ཟ་ཀླུ་དབང་དང་། །
D273.068.0028b05.01མཁའ་ལྡིང་ལྷ་མིན་གསང་བ་པ། །རྟག་ཏུ་དེ་ལ་སྲུང་བར་བྱེད། །གཟུགས་དང་མཚན་ནི་ཕུན་སུམ་ཚོགས། །ནོར་ཆེན་ཁྱིམ་དུ་སྐྱེ་བར་འགྱུར། །སེམས་ཅན་ཀུན་ལ་སྦྱིན་པ་བྱེད། །དཔའ་ཞིང་གཏོང་ཕོད་སེར་སྣ་མེད། །བསྐལ་པ་བྱེ་བ་བརྒྱ་
D273.068.0028b06.01མང་པོར། །ལྷ་ཡི་ཙན་དན་དམར་པོ་དང་། །ཤིན་ཏུ་དྲི་ཞིམ་སྤོས་ཀུན་གྱི། །སྤོས་ངད་དེ་ཡི་ཁ་ནས་འབྱུང་། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བར་སྒྲ་སྐད་ནི། །ཚངས་པའི་དབྱངས་དང་ལྡན་པར་འགྱུར། །རྟག་ཏུ་ཆོས་
D273.068.0028b07.01