完整藏文原文 · 德格版页 当前仅加载第 68 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་སེམས་ནི་དང་བར་འགྱུར། །རྟག་ཏུ་འཇིག་རྟེན་མགོན་མཐོང་ནས། །མཆོད་པ་དམ་པ་བྱེད་པར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །དེ་ནི་འདུ་བའི་སྒོ་རྙེད་ཅིང་། །དེ་ནི་རྟག་ཏུ་བཀུར་བར་
D277.068.0052a01.01འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །ལྷ་རྣམས་ཀྱིས་ནི་རྟག་ཏུ་མཆོད། །མྱུར་དུ་བྱང་ཆུབ་འཚང་རྒྱར་འགྱུར། །མཚན་རྣམས་འདི་དག་འཛིན་བྱེད་པ། །དེ་ནི་ཤེས་རབ་འཆལ་པའམ། །བླུན་པའམ་འོན་པར་ཡོང་མི་
D277.068.0052a02.01འགྱུར། །ཀུན་དུ་སངས་རྒྱས་མཐོང་བར་འགྱུར། །སངས་རྒྱས་རྣམས་ཀྱི་མཚན་འཛིན་པ། །དེ་ལ་ལྷ་ཀླུ་གནོད་སྦྱིན་དང་། །གསང་བ་ལྷ་དང་ལྷ་མིན་རྣམས། །ཉིན་དང་མཚན་དུ་སྲུང་བར་བྱེད། །མཚན་རྣམས་འདི་དག་འཛིན་བྱེད་པ། །དེ་ནི་གཟུགས་མཚན་ཕུན་སུམ་
D277.068.0052a03.01ཚོགས། །འབྱོར་པའི་རིགས་སུ་སྐྱེ་འགྱུར་ཞིང་། །དེ་ནི་སྦྱིན་པའི་བདག་པོར་འགྱུར། །ཐུབ་པ་རྣམས་ཀྱི་མཚན་འཛིན་པས། །བསྐལ་པ་བྱེ་བ་བརྒྱ་མང་དུ། །དེ་ཡི་ཁ་ནས་དྲི་འབྱུང་བ། །དྲི་བསུང་ཞིམ་པོ་འབྱུང་བར་འགྱུར། །ཐུབ་པ་རྣམས་ཀྱི་མཚན་འཛིན་པ། །རྫུ་
D277.068.0052a04.01འཕྲུལ་ཆེ་ཞིང་ཡིད་གཞུངས་ལ། །འདབ་མ་བྱེ་བ་སྟོང་ལྡན་པའི། །རིན་ཆེན་པད་མར་སྐྱེ་བར་འགྱུར། །མཚན་རྣམས་འདི་དག་འཛིན་བྱེད་པ། །ཕ་དང་མ་དང་རྩ་ལག་དང་། །སྤུན་རྣམས་ཀྱི་ནི་ཡིད་འོང་ཞིང་། །ནམ་ཡང་ཕོངས་པ་མཐོང་མི་འགྱུར། །བུད་མེད་ཀྱིས་
D277.068.0052a05.01ཀྱང་བློ་ལྡན་པ། །དེ་དག་རྣམས་ཀྱི་མཚན་ཐོས་ན། །བུད་མེད་ལུས་ལ་ཡིད་བྱུང་ནས། །མཁས་ཤིང་སྐྱེས་པར་སྐྱེ་བར་འགྱུར། །ལུས་ཅན་ཀུན་ལ་ཕན་པའི་ཕྱིར། །མྱུར་དུ་བྱང་ཆུབ་འཚང་རྒྱ་སྟེ། །ལྷ་དང་བཅས་པའི་འཇིག་རྟེན་གྱི། །རྟེན་དང་སྐྱབས་སུ་འབྱུང་བར་
D277.068.0052a06.01འགྱུར། །དེ་ལ་མཚོན་གྱིས་མི་ཚུགས་ཏེ། །དུག་གིས་མི་ཚུགས་མེས་མ་ཡིན། །གཡོན་ཅན་དག་དང་ཆོམ་རྐུན་དང་། །རྒྱལ་པོའང་དེ་ལ་གནོད་མི་འགྱུར། །ཐུབ་པ་རྣམས་ཀྱི་མཚན་འཛིན་པ། །དེ་ལ་སྡིག་དང་ལྡན་པའི་བདུད། །ནག་པོའི་རྩ་ལག་བཞོན་བཅས་
D277.068.0052a07.01