完整藏文原文 · 德格版页 当前仅加载第 71 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་བཀའ་སྩལ་ཏོ། །དགོན་པ་དང་ནི་ཤིང་དྲུང་དང་། །ཁྱིམ་སྟོང་དག་ཏུ་འཇིག་རྟེན་གཙོ། །རྣམ་པར་འདྲེན་པ་རྫོགས་སངས་རྒྱས། །རྗེས་
D293.071.0267a01.01སུ་དྲན་གྱིས་དགེ་སློང་དག །གལ་ཏེ་རྣམ་འདྲེན་འཇིག་རྟེན་གཙོ། །རྫོགས་སངས་རྒྱས་པ་མི་དྲན་ན། །འདོད་ཆགས་བྲལ་བ་རྣམས་ཀྱི་མཆོག །ཆོས་དེ་རྗེས་སུ་དྲན་པར་གྱིས། །གལ་ཏེ་འདོད་ཆགས་བྲལ་བའི་མཆོག །ཆོས་དེ་རྗེས་སུ་མི་དྲན་ན། །དགེ་འདུན་བླ་མེད་
D293.071.0267a02.01བསོད་ནམས་ཞིང་། །དེ་ནི་རྗེས་སུ་དྲན་པར་གྱིས། །སངས་རྒྱས་ཆོས་དང་དགེ་འདུན་རྣམས། །དེ་ལྟར་རྗེས་སུ་དྲན་བྱས་ན། །འཇིགས་དང་བག་ཚ་སྤུ་ལྡང་བ། །མེད་པར་འགྱུར་རོ་དགེ་སློང་དག །འཇིགས་པས་སྐྲག་པའི་མི་མང་པོ། །རི་དང་ནགས་ཚལ་རྣམས་དག་དང་། །ཀུན་
D293.071.0267a03.01དགའ་མཆོད་པའི་ལྗོན་ཤིང་ལ། །སྐྱབས་སུ་འགྲོ་བར་གང་བྱེད་པ། །དེ་ནི་སྐྱབས་གཙོ་མ་ཡིན་ཞིང་། །དེ་ནི་སྐྱབས་མཆོག་མ་ཡིན་ཏེ། །སྐྱབས་དེ་དག་ལ་རྟེན་བྱེད་པ། །སྡུག་བསྔལ་ཀུན་ལས་གྲོལ་མི་འགྱུར། །གང་དག་སངས་རྒྱས་ཆོས་དང་ནི། །དགེ་འདུན་དག་ལ་སྐྱབས་སོང་བ། །
D293.071.0267a04.01སྡུག་བསྔལ་སྡུག་བསྔལ་ཀུན་འབྱུང་དང་། །སྡུག་བསྔལ་ཡང་དག་འགགས་པ་དང་། །བདེ་ཞིང་མྱ་ངན་འདས་འགྲོ་བའི། །འཕགས་ལམ་ཡན་ལག་བརྒྱད་པ་ཡི། །འཕགས་པའི་བདེན་པ་བཞི་པོ་དག །ཤེས་རབ་ཀྱིས་ནི་ལེགས་མཐོང་འགྱུར། །དེ་ནི་སྐྱབས་ཀྱི་གཙོ་བོ་དང་། །
D293.071.0267a05.01དེ་ནི་སྐྱབས་ཀྱི་མཆོག་ཡིན་ཏེ། །སྐྱབས་དེ་དག་ལ་བརྟེན་བྱས་ན། །སྡུག་བསྔལ་ཀུན་ལས་གྲོལ་བར་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། །དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།
D293.071.0267a06.01མདོ་ཆེན་པོ་རྒྱལ་མཚན་དམ་པ་ཞེས་བྱ་བ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། པྲཛྙཱ་ཝརྨ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D293.071.0267a07.01