完整藏文原文 · 德格版页 当前仅加载第 71 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་ནི་ནད་དོ། །འདུ་ཤེས་ནི་འབྲས་སོ། །འདུ་ཤེས་ནི་ཟུག་རྔུའོ། །འདི་ལྟ་སྟེ། འདུ་ཤེས་མེད་པ་འདི་ནི་ཞི་བའོ། །འདི་ནི་གྱ་ནོམ་པའོ་སྙམ་དུ་སེམས་ཏེ། དེ་བཞིན་གཤེགས་པས་དགེ་སྦྱོང་དང་བྲམ་ཟེ་གང་དག་འདུ་ཤེས་མེད་པར་སྨྲ་བ་དེ་དག་ཁ་ཅིག་དེ་ཕན་ཆད་བདག་འདུ་ཤེས་མེད་པར་
D294.071.0268b01.01འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་དགེ་སྦྱོང་དང་བྲམ་ཟེ་གང་དག་འདུ་ཤེས་ཅན་དུ་སྨྲ་བ་དེ་དག་ཁ་ཅིག་དེ་ཕན་ཆད་བདག་འདུ་ཤེས་ཅན་དུ་འགྱུར་རོ་ཞེས་མངོན་པར་རྗོད་པ་མངོན་པར་རྗོད་པར་བྱེད་པ་དེ་དག་གིས་སྨྲས་པ་ལ་ཕྱིར་རྒོལ་བར་བྱེད། སྨོད་པར་བྱེད་ཅིང་དེ་དག་འདི་
D294.071.0268b02.01སྙམ་དུ་སེམས་ཏེ། འདུ་ཤེས་ནི་ནད་དོ། །འདུ་ཤེས་ནི་འབྲས་སོ། །འདུ་ཤེས་ནི་ཟུག་རྔུའོ། །འདི་ལྟ་སྟེ། འདུ་ཤེས་མེད་པ་འདི་ནི་ཞི་བའོ། །འདི་ནི་གྱ་ནོམ་པའོ་སྙམ་དུ་སེམས་པ་དེ་དག་ཀྱང་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ། །དགེ་སློང་དག་ང་ནི་རྣམ་པར་ཤེས་པའི་འོང་
D294.071.0268b03.01བའམ། འགྲོ་བའམ། གནས་པའམ། འཆི་འཕོ་བའམ། སྐྱེ་བའམ། རྒྱས་ཤིང་འཕེལ་ལ་ཡངས་པར་འགྱུར་བ། གཟུགས་ལས་གཞན་པ་དང་། ཚོར་བ་ལས་གཞན་པ་དང་། འདུ་ཤེས་ལས་གཞན་པ་དང་། འདུ་བྱེད་རྣམས་ལས་གཞན་དུ་འདོགས་པར་མི་བྱེད་དོ། དགེ་སློང་
D294.071.0268b04.01དག་གང་དག་འདི་སྐད་ཅེས་བདག་ནི་རྣམ་པར་ཤེས་པའི་འོང་བའམ། འགྲོ་བའམ། གནས་པའམ། འཆི་འཕོ་བའམ། སྐྱེ་བའམ། རྒྱས་ཤིང་འཕེལ་ལ་ཡངས་པར་འགྱུར་བ། གཟུགས་ལས་གཞན་པ་དང་། ཚོར་བ་ལས་གཞན་པ་དང་། འདུ་ཤེས་ལས་གཞན་པ་དང་། འདུ་བྱེད་
D294.071.0268b05.01རྣམས་ལས་གཞན་དུ་འདོགས་པར་བྱེད་དོ་ཞེས་ཟེར་ན། དེ་ནི་ཚིག་གི་དངོས་པོ་ཁོ་ནར་ཟད་དེ་འདི་ལྟ་སྟེ། ཡུལ་མ་ཡིན་པའི་ཕྱིར་དྲིས་ན་ཡང་དག་པར་རབ་ཏུ་མི་ཤེས་ཤིང་ལན་ལ་ཡང་རྨོངས་པར་འགྱུར་རོ། །དགེ་སློང་དག་དེ་ཡང་རགས་པ། འདུས་བྱས་པ། བསམས་པ། རྟེན་ཅིང་འབྲེལ་
D294.071.0268b06.01པར་འབྱུང་བ་ཡིན་ཏེ། འདི་ལྟར་འདུ་བྱེད་རྣམས་ཡོད་ན་འདུ་བྱེད་རྣམས་ཀྱི་འགོག་པ་ཡང་ཡོད་པས་ན་དེ་བཞིན་གཤེགས་པས་དེ་ཡོད་པར་ཐུགས་སུ་ཆུད་ནས་དེ་ལས་ཕྱིར་ལོག་ཅིང་དེ་ལ་ཞི་བར་གཟིགས་ངེས་པར་འབྱུང་བར་གཟིགས་ཤིང་བཞུགས་སོ། །དགེ་སློང་དག་དེ་ལ་དགེ་སྦྱོང་དང་།
D294.071.0268b07.01