完整藏文原文 · 德格版页 当前仅加载第 72 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་བདག་ནི་གཅོད་བྱེད་པའི། །ཁ་ནས་སྟ་རེའི་ཚིག་འབྱུང་བ། །ཉེས་པར་སྨྲ་བས་སྨྲ་བ་ནི། །གང་དག་སྨད་བྱ་སྟོད་བྱེད་ཅིང་། །སྐྱེ་བོ་བསྟོད་བྱ་སྨོད་བྱེད་པའི། །སྡིག་གང་བདེ་བ་མི་མྱོང་བའི། །སྡིག་དེ་དེ་ཡི་ཁ་ན་སོགས། །གང་འདིར་རྒྱན་པོས་བདག་
D307.072.0144a01.01ནོར་ཡལ། །འདི་ནི་སྡིག་པ་ཆུང་ངུ་སྟེ། །གང་ཞིག་བདེ་གཤེགས་སྡང་སེམས་བསྐྱེད། །འདིར་ནི་སྡིག་པ་དེ་ཆེའོ། །ངག་དང་ཡིད་ཀྱིས་ཀྱང་ནི་སྡིག་བྱས་ཤིང་། །གང་ཞིག་འཕགས་ལ་སྨོད་པ་དམྱལ་འགྲོ་སྟེ། །སྟོང་ཕྲག་བརྒྱར་ནི་ཆུ་བུར་རྡོལ་ནས་སུ། །ཆུ་བུར་ཅན་དུ་སུམ་ཅུ་རྩ་
D307.072.0144a02.01དྲུག་གོ། །སྡིག་པའི་སེམས་ཀྱིས་བདེན་པར་མི་སྨྲ་བ། །བདག་ཉིད་བརླག་ཅིང་དམྱལ་བར་འཕེན་པར་བྱེད། །དེ་ཡིད་དྲི་མས་མ་རྙོགས་པར་བྱེད་དེ། །ཁ་ན་མ་ཐོ་མེད་པ་དེ་བཟོད་དོ། །དགེ་སློང་དག་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་ཚེའི་ཚད་ནི་བསྐལ་པ་ཕྱེད་གཅིག་
D307.072.0144a03.01ཡིན་ཏེ། །བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འབྲས་བུ་ཡིད་འོང་མཐོ་རིས་སུ། །སྐྱེ་འགྱུར་དགེ་བ་སྤངས་ནས་ནི། །འདིར་ནི་མི་སྡུག་ལས་བྱས་པས། །རབ་ཏུ་ཚ་བར་སྐྱེ་བར་འགྱུར། །དགེ་སྦྱོང་བྲམ་ཟེ་དགེ་
D307.072.0144a04.01བ་དང་། །ཕ་དང་མ་ཡང་དེ་བཞིན་ཏེ། །གང་ཡང་བླ་མ་གཞན་གསོད་པ། །རབ་ཏུ་ཚ་བར་དེ་འཚེད་དོ། །དགེ་སློང་དག་དམྱལ་བ་ཆེན་པོ་མནར་མེད་པའི་ཚེའི་ཚད་ནི་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ། །མི་གཏི་མུག་ཅན་ལྷས་བྱིན་གྱིས་དགེ་འདུན་འཐུན་པ་ཕྱེ་བ་
D307.072.0144a05.01དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། དགེ་སློང་མ་དགྲ་བཅོམ་པ་བསད་པས་རང་གི་ལུས་དེ་ཉིད་ཀྱིས་དམྱལ་བ་ཆེན་པོ་མནར་མེད་པ་དེར་སྐྱེས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཕགས་པ་རྣམས་
D307.072.0144a06.01ཀྱིས་བསྟན་པ་ཡི། །ཆོས་ཀྱིས་འོས་པར་འཚོ་རྣམས་ལ། །སྡིག་པའི་ལྟ་བ་ལ་བརྟེན་ནས། །བློ་ངན་གང་ཞིག་སྨོད་བྱེད་པ། །ཚེར་ཅན་འོད་མའི་འབྲས་བུ་ལྟར། །དེ་ནི་འབྲས་བུ་རླག་པར་བྱེད། །དགེ་བར་འགྱུར་བ་བརྗོད་བྱ་སྟེ། །སྡིག་པ་ཅན་དག་མི་བརྗོད་དོ། །དགེ་བ་
D307.072.0144a07.01