完整藏文原文 · 德格版页 当前仅加载第 72 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ལེན་པར་གཤིན་གྱི་འཇིག་རྟེན་ཡོད་ནས་བཟའ་བཏུང་དང་། བཞོན་པ་དང་། གོས་དང་། རྒྱན་དག་བདག་པོར་བྱེད་པ་མ་ཡིན་ནོ། །ཀྱེ་རྒྱལ་པོ་ཆེན་པོ་འཇིག་རྟེན་པ་དག་གང་གིས་མཐོང་བ་དང་། ཕ་མ་ལ་སོགས་པས་རྨི་ལམ་དུ་རྨིས་ཏེ། ཚེ་འཕོས་པ་ལས་བསྔོས་
D308.072.0150b01.01པས་གཤིན་དེ་བཟའ་བཏུང་གིས་མགུའོ། །བཞོན་པ་ཞོན་ནོ། །གོས་གྱོན་ནོ། །རྒྱན་ཐོགས་སོ། །ཞེས་སྨྲ་ཞིང་དེ་ལྟར་སྣང་བ་དེ་ཡང་བཟའ་བཏུང་གིས་མི་མགུའོ། །བཞོན་པ་མེད་དོ། །གོས་མི་གྱོན་ནོ། །རྒྱན་མི་ཐོགས་སོ། །ཞེས་སྨྲ་ཞིང་དེ་ལྟར་སྣང་བ་
D308.072.0150b02.01དག་དྲི་ཟ་འཆི་ཀའི་སེམས་ལ་ཉེ་བར་འཇུག་པ་དང་། མི་མ་ཡིན་པ་དག་གིས་དེ་ལྟར་སྣང་བར་བྱེད་པ་ཡོད་དོ། །ཀྱེ་རྒྱལ་པོ་ཆེན་པོ་རྒྱལ་པོ་ཆེན་པོས་སེམས་ཅན་དག་འདི་ནས་ཚེ་འཕོ་ཁ་ན་ཕ་མའམ། སྤུན་ནམ། བུ་ལ་སོགས་པ་ལ་གཏམ་བྱས་པ་དང་། ཚིག་
D308.072.0150b03.01ཅི་སྨྲས་པ་དང་། གཟུགས་ཅི་འདྲ་བ་དག་དེ་ཚེ་འཕོས་ནས་ཕྱིས་ཕ་མ་དང་། སྤུན་ནམ། བུ་ལ་སོགས་པ་ལ་དེ་སྔོན་ཚེ་མ་འཕོས་པའི་དུས་ན་གཏམ་བྱས་པ་ལ་སོགས་པ་སྨྲ་བ་དང་གཟུགས་བྱད་སྟོན་ཏེ། དེ་ལྟ་བུ་མཐོང་བ་དང་སྟོན་པ་ཡོད་ཅེས་འཇིག་རྟེན་པ་དག་མཆི་ན།
D308.072.0150b04.01དེ་ལྟར་ལགས་སམ་མ་ལགས་ཞེས་གསུངས་པ་ནི། ཀྱེ་རྒྱལ་པོ་ཆེན་པོ་སྨྲ་བ་ནི་ལུས་ཡོད་པའི་ཁ་ལྕེ་ལ་བརྟེན་ནས་སྨྲ་བ་ལགས་ན་ཚེ་འཕོས་པའི་ལུས་ནི་འདིར་བཞག་ན་སེམས་གཟུགས་མེད་པ་དེ་ཇི་ལྟར་སྨྲ། དེ་སྟེ་ཤི་བ་དེ་ལ་ལུས་ཡོད་དོ། །ཞེས་ཟེར་བ་ནི་སྐྱེ་བ་བླངས་པ་
D308.072.0150b05.01ཡིན་ཏེ། དེ་ལ་ཕ་མ་དགོས་པས་གཤིན་གྱི་འཇིག་རྟེན་ཡང་མེད་དོ། །ཀྱེ་རྒྱལ་པོ་ཆེན་པོ་དེ་ལྟ་བུའི་ཚེ་མ་འཕོས་པའི་མཚན་མ་དང་དན་རྟགས་འཇིག་རྟེན་པ་གང་དག་སྨྲ་བ་ནི་དྲི་ཟ་ཁྱབ་བྱེད་ཅེས་བྱ་བའི་རིགས་ཡོད་པས་བྱེད་དེ། དཔེར་ན་རླུང་ཆེན་པོས་ཐང་དང་ཀླུང་ཡངས་
D308.072.0150b06.01པ་དག་ཏུ་དུས་གཅིག་ཏུ་རླུང་ལྡང་བ་བཞིན་དུ་འཆི་འཕོ་བ་ཐམས་ཅད་ཀྱི་སེམས་ལ་ཁྱབ་པར་བྱེད་པའི་རིགས་དྲི་ཟ་བི་ཙ་ན་ཞེས་བྱ་བ་དང་། གནོད་སྦྱིན་སྨྲ་འདོད་ཀྱི་རིགས་དང་། འབྱུང་པོ་བར་ཧི་ནི་ཏ་ཀུན་ཏུ་རྟོགས་འདོད་ཅེས་བྱ་བ་དག་གིས་བསྒྲུབས་ནས་མི་མ་ཡིན་པ་དེ་དག་
D308.072.0150b07.01