完整藏文原文 · 德格版页 当前仅加载第 72 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་ཤིང་བཞུགས་པར་གྱུར། རང་སངས་རྒྱས་དེ་དག་ཀྱང་མྱ་ངན་ལས་འདས་ནས་དྲང་སྲོང་ལྔ་ཁྲི་ཡང་མངོན་པར་ཤེས་པ་ལྔ་དང་ལྡན་པ་དེ་འདི་ཉིད་ན་གནས་པར་གྱུར་ཏོ། །བཙུན་པ་རབ་མཐོང་ཆེན་པོ་དེ་ནས་ཡང་བསྐལ་པ་སུམ་ཅུ་རྩ་གཅིག་ན་ཡང་དག་པར་
D314.072.0165b01.01རྫོགས་པའི་སངས་རྒྱས་ཐམས་ཅད་སྐྱོབ་ཅེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང་ཆོས་གསལ་ཞེས་བྱ་བ་ལྷ་དང་མིས་མཆོད་པའི་མཆོག་ཏུ་གྱུར་པ་ཡང་དེ་ཉིད་ནའོ། །མཚམས་ཀྱི་རི་དེ་ལ་རྩྭ་རིགས་བྷ་ས་བྷ་ས་ཞེས་བྱ་བ་སྐྱེ་བས་བྷ་ས་བྷའི་རི་ཞེས་བཏགས་པར་གྱུར།
D314.072.0165b02.01ཀླུ་མོ་བྲག་ཅེས་བྱ་བ་གནས་པས་བྲག་གི་ནགས་ཞེས་བཏགས་པར་གྱུར། ཤིང་ཨ་ཤྭད་ཐ་སྐྱེ་བས་ཨ་ཤྭད་ཐའི་ཕུག་ཅེས་བཏགས་པར་གྱུར། ཡང་དག་པར་རྫོགས་པའི་སངས་རྒྱས་ཐམས་ཅད་སྐྱོབ་འཁོར་དགྲ་བཅོམ་པ་དྲུག་ཁྲི་དང་དེ་ཉིད་དུ་གཤེགས་ཤིང་
D314.072.0165b03.01ཐབས་ཅིག་ཏུ་བཞུགས་པར་གྱུར། དེ་དག་མྱ་ངན་ལས་འདས་བསྟན་པ་ནུབ་ནས་རང་སངས་རྒྱས་ལྔ་ཁྲི་ཡང་གཤེགས་ཤིང་བཞུགས་པར་གྱུར། རང་སངས་རྒྱས་དེ་དག་ཀྱང་མྱ་ངན་ལས་འདས་ནས་དྲང་སྲོང་མངོན་པར་ཤེས་པ་ལྔ་དང་ལྡན་པ་བཞི་ཁྲི་ཡང་གནས་པར་
D314.072.0165b04.01གྱུར་ཏོ། །འདིར་ནི་བཙུན་པ་རབ་མཐོང་ཆེན་པོ་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་བཞི་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་ལོག་པར་དད་སེལ་ཞེས་བྱ་བ་འཇིག་རྟེན་དུ་བྱུང་སྟེ། དེའི་དགེ་སློང་ཆོས་ལྡན་ཞེས་བྱ་བ་ལྷ་དང་མིས་
D314.072.0165b05.01མཆོད་པའི་མཆོག་ཏུ་གྱུར་པ་ཡང་དེ་ཉིད་ནའོ། །མཚམས་ཀྱི་རིའི་རྩྭའི་རིགས་ཀཽ་ཤི་ཀ་ཞེས་བྱ་བ་སྐྱེ་བས་ཀཽ་ཤི་ཀའི་རི་ཞེས་བཏགས་པར་གྱུར། སྤྲིན་ཅེས་བྱ་བའི་ཀླུ་མོ་གཅིག་གནས་པས་སྤྲིན་གྱི་ནགས་ཞེས་བཏགས་པར་གྱུར། ཤིང་ཨུ་དུམ་བ་ར་སྐྱེ་བས་ཨུ་དུམ་
D314.072.0165b06.01པཱ་རའི་ཕུག་ཅེས་བཏགས་པར་གྱུར། ཡང་དག་པར་རྫོགས་པའི་སངས་རྒྱས་ལོག་པར་དད་སེལ་འཁོར་དགྲ་བཅོམ་པ་ལྔ་ཁྲི་དང་ཐབས་ཅིག་ཏུ་གཤེགས་ཤིང་ཞུགས་པར་གྱུར། དེ་དག་ཀྱང་མྱ་ངན་ལས་འདས་ནས་མངོན་པར་ཤེས་པ་ལྔ་དང་ལྡན་པ་དྲང་སྲོང་སུམ་
D314.072.0165b07.01