完整藏文原文 · 德格版页 当前仅加载第 72 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་སཏྤུ་རུ་ཥ་སཱུ་ཏྲ། །བོད་སྐད་དུ། འཕགས་པ་སྐྱེས་བུ་དམ་པའི་མདོ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་
D327.072.0253b01.01མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྔ་པོ་འདི་དག་ནི་སྐྱེས་བུ་དམ་པའི་སྦྱིན་པ་དག་ཡིན་ཏེ། ལྔ་གང་ཞེ་ན། དགེ་སློང་དག་
D327.072.0253b02.01སྐྱེས་བུ་དམ་པ་ནི་དད་པས་སྦྱིན་པ་སྦྱིན་པར་བྱེད་པ་ཡིན། གུས་པར་བྱས་ཏེ་རང་གི་ལག་པ་ནས་དང་། དུས་སུ་གཞན་དག་ལ་མི་གནོད་པར་སྦྱིན་པ་སྦྱིན་པར་བྱེད་པ་ཡིན་ནོ། །དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་
D327.072.0253b03.01གང་ཞེ་ན། དད་པས་སྦྱིན་པ་བྱིན་པས་ཕྱུག་པོར་འགྱུར་བ་ཡིན། ནོར་མང་བ་དང་། ལོངས་སྤྱོད་ཆེ་བ་ཡིན། ནོར་གྱི་ཡོ་བྱད་མང་བ་ཡིན། བདག་དབང་བའི་སློང་ཆེ་བ་ཡིན། ནོར་དང་། འབྲུ་དང་། དབྱིག་དང་། གསེར་དང་། མཛོད་དང་། བང་བའི་ཚོགས་མང་བ་ཡིན། བྲན་དང་། བྲན་མོ་དང་། ལས་བྱེད་
D327.072.0253b04.01པ་དང་། ཞོ་ཤས་འཚོ་བ་མང་བ་ཡིན། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་ཏེ། དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ། །དགེ་སློང་དག་གུས་པར་བྱས་ཏེ། སྦྱིན་པ་བྱིན་པའི་
D327.072.0253b05.01འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། གུས་པར་བྱས་ཏེ་སྦྱིན་པ་བྱིན་པས་ཕྱུག་པོར་འགྱུར་བ་ཡིན། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་པའི་བར་སྔ་མ་བཞིན་ནོ། །བུ་དང་། ཆུང་མ་དག་དང་། བྲན་
D327.072.0253b06.01དང་། བྲན་མོ་དང་ལས་བྱེད་པ་དང་། ཞོ་ཤས་འཚོ་བ་དང་། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་དག་གིས་ཀྱང་གུས་པར་བྱས་པར་འགྱུར་བ་ཡིན་ཏེ། དགེ་སློང་དག་གུས་པར་བྱས་ཏེ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་
D327.072.0253b07.01