完整藏文原文 · 德格版页 当前仅加载第 75 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་ཆོས་ལ་སྐྱབས་མཆི་བ། །དེ་དག་ངན་འགྲོར་མི་མཆི་སྟེ། །མི་ཡི་ལུས་རྣམས་སྤངས་ནས་སུ། །དེ་དག་ལྷ་ལུས་ཐོབ་པར་འགྱུར། །གང་དག་དགེ་འདུན་སྐྱབས་མཆི་བ། །དེ་དག་ངན་འགྲོར་མི་མཆི་སྟེ། །མི་ཡི་ལུས་རྣམས་སྤངས་ནས་སུ། །དེ་དག་ལྷ་ལུས་ཐོབ་པར་
D345.075.0291a01.01འགྱུར། །གང་དག་ཉིན་མཚན་རྟག་པར་ཡང་། །སངས་རྒྱས་རྗེས་སུ་དྲན་པ་དང་། །གང་དག་སངས་རྒྱས་སྐྱབས་མཆིས་པ། །མི་དེ་དག་གི་རྙེད་པ་ཆེ། །གང་དག་ཉིན་མཚན་རྟག་པར་ཡང་། །ཆོས་ནི་རྗེས་སུ་དྲན་པ་དང་། །གང་དག་ཆོས་ལ་སྐྱབས་མཆིས་པ། །མི་དེ་དག་གི་རྙེད་པ་ཆེ། །
D345.075.0291a02.01གང་དག་ཉིན་མཚན་རྟག་པར་ཡང་། །དགེ་འདུན་རྗེས་སུ་དྲན་པ་དང་། །གང་དག་དགེ་འདུན་སྐྱབས་མཆིས་པ། །མི་དེ་དག་གི་རྙེད་པ་ཆེ། །དེ་ནས་བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་གྱི་རྗེས་སུ་འཐུན་པར་བརྗོད་པའི་ཚིགས་སུ་བཅད་པ་བཀའ་སྩལ་པ། ཀཽ་ཤི་ཀ་དེ་དེ་བཞིན་ཏེ། དེ་དེ་
D345.075.0291a03.01བཞིན་ནོ། །གང་དག་སངས་རྒྱས་སྐྱབས་དོང་བ། །དེ་དག་ངན་འགྲོར་མི་འགྲོ་སྟེ། །མི་ཡི་ལུས་རྣམས་སྤངས་ནས་སུ། །དེ་དག་ལྷ་ལུས་ཐོབ་པར་འགྱུར། །གང་དག་ཆོས་ལ་སྐྱབས་དོང་བ། །དེ་དག་ངན་འགྲོར་མི་འགྲོ་སྟེ། །མི་ཡི་ལུས་རྣམས་སྤངས་ནས་སུ། །དེ་དག་ལྷ་ལུས་ཐོབ་པར་
D345.075.0291a04.01འགྱུར། །གང་དག་དགེ་འདུན་སྐྱབས་དོང་བ། །དེ་དག་ངན་འགྲོར་མི་འགྲོ་སྟེ། །མི་ཡི་ལུས་རྣམས་སྤངས་ནས་སུ། །དེ་དག་ལྷ་ལུས་ཐོབ་པར་འགྱུར། །དེ་ནས་ལྷའི་དབང་པོ་བརྒྱ་བྱིན་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་བཅོམ་ལྡན་འདས་ཀྱི་ཞབས་ལ་མགོ་བོས་
D345.075.0291a05.01ཕྱག་འཚལ་ཏེ། བཅོམ་ལྡན་འདས་ལ་ལག་པ་ཐལ་མོ་སྦྱར་ནས་ལན་གསུམ་བསྐོར་བ་བྱས་ཏེ། དེ་ཉིད་དུ་མི་སྣང་བར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཕག་མོའི་
D345.075.0291a06.01རྟོགས་པ་བརྗོད་པའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།སརྦ་ཤུ་བྷཾ་བྷ་བནྟུ།། །།
D345.075.0291a07.01