完整藏文原文 · 德格版页 当前仅加载第 76 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ནས་མིང་འདོགས་པར་བྱེད་དེ། གཞོན་ནུའི་མིང་ཅིར་གདགས་ཞེས་ཟེར་རོ། །དེ་ནས་བློན་པོ་དག་གིས་གསོལ་པ། ལྷ་གང་གི་སླད་དུ་སྲས་འདི་བསོད་ནམས་ཀྱི་སྟོབས་རྒྱས་ཤིང་། དེ་བཙས་པ་ན་འདི་ལྟ་བུར་ལྷའི་འབྱོར་པ་བྱུང་བར་གྱུར་པས་ན།
D347.076.0007a01.01དེའི་ཕྱིར་སྲས་འདིའི་མཚན་ནི་བསོད་ནམས་སྟོབས་ཞེས་གདགས་པའི་རིགས་སོ་ཞེས་ཟེར་རོ། །དེ་ནས་དེའི་མིང་བསོད་ནམས་ཀྱི་སྟོབས་ཞེས་བཏགས་སོ། །དེ་ནས་གཞོན་ནུ་བསོད་ནམས་སྟོབས་པང་ན་འཚོ་བའི་མ་མ་གཉིས་དང་ནུ་མ་སྣུན་པའི་མ་མ་གཉིས་དང་།
D347.076.0007a02.01དྲི་མ་འཁྲུ་བའི་མ་མ་གཉིས་དང་། རྩེ་བའི་མ་མ་གཉིས་ཏེ་མ་མ་བརྒྱད་ལ་གཏད་ནས། དེ་མ་མ་བརྒྱད་པོ་དེ་དག་གིས་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་ཁྱད་པར་བཟང་ངོ་ཅོག་གིས་བསྐྱེད་བསྲིངས་ཏེ་རྫིང་བུའི་
D347.076.0007a03.01པདྨ་བཞིན་དུ་སྐྱེ་དྲག་པར་གྱུར་ཏོ། །གང་གི་ཚེ་དེ་ཆེར་སྐྱེས་པ་དེའི་ཚེ་ཡི་གེ་སློབ་ཏུ་བཅུག་སྟེ། དེས་ཡི་གེ་མཐར་ཕྱིན་ནས། དེ་རྒྱལ་པོ་རྒྱལ་རིགས་དག་གི་གནས་ལྔ་རྣམས་ཀྱི་བར་གང་ཡིན་པ་དེ་དག་ལ་བྱང་བར་གྱུར་ཏོ། །གཞོན་ནུ་བསོད་ནམས་སྟོབས་དེ་ཡང་དད་པ་དང་
D347.076.0007a04.01ལྡན་ལ་དགེ་ཞིང་བསམ་པ་བཟང་བ། བདག་ལ་ཕན་པ་དང་། གཞན་ལ་ཕན་པ་ལ་ཞུགས་པ། སྙིང་རྗེ་ཅན། བདག་ཉིད་ཆེ་བ། ཆོས་འདོད་པ། སྐྱེ་དགུ་ལ་བྱམས་པ། གཏོང་བ་ལ་སྲེད་པ། སྦྱིན་པ་ལ་དགའ་བ། རབ་ཏུ་སྦྱིན་པ་ལ་མངོན་པར་དགའ་བ་ཐམས་ཅད་
D347.076.0007a05.01སྦྱིན་པ། ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་གནས་པ་ཞིག་སྟེ། འདི་ལྟར་དགེ་སྦྱོང་དང་། བྲམ་ཟེ་དང་། བཀྲེན་པ་དང་། སྡུག་ཅིང་ཕོངས་པ་རྣམས་ལ་ཐ་ན་རང་གི་ཤའི་བར་དུ་དེས་མ་བྱིན་པ་དང་། ཡོངས་སུ་མ་
D347.076.0007a06.01བཏང་བ་ཅི་ཡང་མེད་དོ། །དེ་ལ་སློང་བ་དག་འོངས་ཏེ་སློང་ན་དེའི་ཚེ་དེ་དག་ལ་བྱམས་པའི་སེམས་ཀྱིས་ཉེ་བར་གནས་ཏེ། ནམ་མཁའ་ལ་བལྟས་ནས་ཀྱེ་མ་འདི་ལྟར་གསེར་རམ། དངུལ་ལམ། གོས་སམ། བཟའ་བའམ། བཅའ་བའམ། བཏུང་བའམ། མལ་སྟན་
D347.076.0007a07.01