完整藏文原文 · 德格版页 当前仅加载第 76 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
འོད་ཀྱིས་རྒྱལ་པོ་ལ་འོས་པ། གོས་དང་། རྒྱན་དང་། ཅོད་པན་དང་། དར་རྣམས་རབ་ཏུ་བྱིན་པ་གང་གིས་ཇི་ལྟར་འཛམ་བུའི་གླིང་པའི་མི་ཐམས་ཅད་ཅོད་པན་ཐོགས་ཤིང་དར་དཔྱངས་འཆིང་བར་གྱུར་ཏེ། རྒྱལ་པོ་ཟླ་འོད་རྣམ་པ་ཅི་འདྲ་བར་གྱུར་པ་འཛམ་བུའི་གླིང་གི་མི་ཐམས་
D348.076.0024b01.01ཅད་ཀྱང་དེ་དང་འདྲ་བར་གྱུར་ཏེ། དེ་ལྟར་རབ་ཏུ་བྱིན་ནོ། །དགེ་སློང་དག་རྒྱལ་པོ་ཟླ་འོད་ཀྱིས་རྒྱལ་པོའི་ཕོ་བྲང་རྡོ་{བཟངས་སུ་,བཟང་དུ་}དྲིལ་བསྒྲགས་ཏེ། འཛམ་བུའི་གླིང་གི་མི་ཁྱེད་ཐམས་ཅད་ང་ཅི་སྲིད་འཚོའི་བར་དུ་རྒྱལ་པོའི་རྩེ་འཇོས་རྩེ་ཞིང་རོལ་ཅིག་ཅེས་བསྒྲགས་སོ། དགེ་སློང་
D348.076.0024b02.01དག་དེ་ནས་རྒྱལ་པོ་ཟླ་འོད་ཀྱིས་དྲིལ་བསྒྲགས་པ་འཛམ་བུའི་གླིང་གི་མི་ཐམས་ཅད་ཀྱིས་ཐོས་པ་དང་། ཐམས་ཅད་རྒྱལ་པོའི་རྩེ་འཇོས་རྩེ་བ་ལ་ཞུགས་ཏེ། པི་བང་དང་། གླིང་བུ་དང་། འཁར་རྔ་དང་། སྒྲ་{བཟངས་,བཟང་}དང་། པི་བང་རྒྱུད་གསུམ་པ་དང་། རྔ་{རིངས་,རིང་}དང་། རྫ་རྔ་དང་།
D348.076.0024b03.01དུང་སྟོང་ཕྲག་དང་། སིལ་སྙན་བརྒྱ་སྙེད་ཀྱི་སྒྲའི་རོལ་མོ་བརྡུང་ཞིང་དཔུང་རྒྱན་དང་། དོ་ཤལ་དང་། སེ་མོ་དོ་དང་། ནོར་བུ་དང་། མུ་ཏིག་གི་རྒྱན་རྣམས་དང་། རྣ་ཆ་ཐོགས་པ་དང་། རྒྱན་གྱིས་བརྒྱན་ལ་བུད་མེད་ཀྱི་ཚོགས་ཀྱིས་ཡོངས་སུ་བསྐོར་ནས་རྒྱལ་སྲིད་ཀྱི་དཔལ་ལ་རྗེས་སུ་
D348.076.0024b04.01སྤྱོད་པར་གྱུར་ཏོ། །ཡང་དེའི་ཚེ་དེའི་དུས་ན་རྒྱལ་པོའི་ཕོ་བྲང་རྡོ་{བཟངས་,བཟང་}ན་མི་རྣམས་རྒྱལ་པོའི་རྩེ་འཇོས་རོལ་ཏེ། པི་བང་དང་། གླིང་བུ་དང་། འཁར་རྔ་དང་། སྒྲ་{བཟངས་,བཟང་}དང་། པི་བང་རྒྱུད་གསུམ་པ་དང་། རྫ་རྔ་དང་། རྔ་{རིངས་,རིང་}དང་། དུང་གི་སྒྲས་གྲོང་ཁྱེར་དྲུག་ཁྲི་བརྒྱད་སྟོང་དུ་
D348.076.0024b05.01སྒྲ་བསྒྲགས་པ་དང་། གང་ཡང་རྒྱལ་པོ་ཟླ་འོད་ཀྱི་སྦྱིན་གཏོང་གི་གནས་བཞིར་གསེར་གྱི་རྔ་བོ་ཆེ་རྣམས་བརྡུངས་པ་ན་འདི་ལྟ་བུའི་ཡིད་དུ་འོང་བའི་སྒྲ་བྱུང་བར་གྱུར་ཏོ། །འདི་ལྟ་སྟེ། སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་ན་ལྷའི་གྲོང་ཁྱེར་དེ་ན་གླུ་དང་། གར་དང་།
D348.076.0024b06.01རོལ་མོའི་སྒྲ་སྒྲོགས་སོ། །དགེ་སློང་དག་དེ་བཞིན་དུ་དེའི་ཚེ་དེའི་དུས་ན་འཛམ་བུའི་གླིང་པའི་མི་ཐམས་ཅད་གླུ་དང་། གར་དང་། རོལ་མོའི་སྒྲས་གཅིག་ཏུ་བདེ་བ་ལ་འཇོག་ཅིང་ཤིན་ཏུ་དགའ་བར་གྱུར་ཏོ། །ཡང་དེའི་ཚེ་རྒྱལ་པོའི་ཕོ་བྲང་རྡོ་{བཟངས་,བཟང་}ན་བྱེ་བ་སྟོང་དུང་ཕྱུར་བདུན་
D348.076.0024b07.01