完整藏文原文 · 德格版页 当前仅加载第 76 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་གིས་གང་ཅུང་ཟད་ལྷའི་བཀའ་ལ་འགལ་བ་ཅི་བགྱིས་པ་བཟོད་པར་གསོལ་ལོ། །འདི་ལྟ་སྟེ་བཅོམ་ལྡན་འདས་རང་སངས་རྒྱས་དེས་བསོད་སྙོམས་དེ་ཡོངས་སུ་ཟོས་སོ། །དེ་ནས་སྐད་ཅིག་དེ་ཉིད་ལ་ཕྱོགས་བཞི་ཀུན་ནས་སྤྲིན་སྟུག་པོ་བཞི་
D350.076.0055a01.01ལངས་སོ། །རླུང་གྲང་བ་ཡང་ལངས་ཏེ། དེའི་ཚེ་འཛམ་བུའི་གླིང་ཕྱགས་སོ། །དེ་ནས་དེའི་དུས་ཀྱི་བྱེ་བྲག་ལ་བཅའ་བར་བྱ་བ་དང་། བཟའ་བར་བྱ་བ་རྣམ་པ་སྣ་ཚོགས་ཀྱི་ཆར་བབ་སྟེ། བཟའ་བར་བྱ་བའི་དངོས་པོ་འདི་ལྟ་བུ་འབྲས་ཆན་དང་། ཕྱེ་དང་། ཟན་དྲོན་དང་། ཤ་
D350.076.0055a02.01དང་། ཉ་ཤ་དང་། བཟའ་བར་བྱ་བའི་དངོས་པོ་འདི་ལྟ་བུ། བཅའ་བར་བྱ་བ་ལ་ཕུག་དང་། བཟའ་བར་བྱ་བ་ལོ་མ་དང་། བཟའ་བར་བྱ་བ་མེ་ཏོག་དང་། བཟའ་བར་བྱ་བ་འབྲས་བུ་དང་། བཟའ་བར་བྱ་བ་ཏིལ་དང་། བཟའ་བར་བྱ་བ་ཏིལ་མར་དང་། བཟའ་བར་བྱ་བ་
D350.076.0055a03.01བུར་མར་དང་། བཟའ་བར་བྱ་བ་ཁ་ར་དང་། གཞན་ཡང་བཟའ་བར་བྱ་བ་དང་། བཅའ་བར་བྱ་བ་དང་། མྱང་བར་བྱ་བ་རྣམ་པ་མང་པོའི་བཟའ་བ་དག་གི་ཆར་བབ་བོ། །དེ་ནས་རྒྱལ་པོ་གསེར་མདོག་མགུ་ལ་དགའ་ཞིང་ཡི་རངས་ཏེ། རབ་ཏུ་དགའ་ནས་དགའ་བ་དང་ཡིད་
D350.076.0055a04.01བདེ་བ་སྐྱེས་ཏེ། རྩིས་པ་དང་སྣ་ཆེན་པོ་ལ་གཏོགས་པ་དང་བློན་པོ་དང་སྒོ་བ་དང་འཁོར་རྣམས་བོས་ནས་འདི་སྐད་ཅེས་སྨྲས་སོ། །གྲོང་གི་གཙོ་བོ་དག་ལྟོས་ཤིག །ཀྱེ་མ་དེང་བསོད་སྙོམས་གཅིག་ཕུལ་བའི་མྱུ་གུ་བྱུང་བར་གྱུར་ཏེ། འབྲས་བུ་དང་ལོ་མ་དང་མེ་ཏོག་ནི་ཕྱིས་འབྱུང་བར་འགྱུར་
D350.076.0055a05.01རོ། །དེ་ནས་ཉི་མ་གཉིས་པ་ལ་ཉིན་བདུན་དུ་ནོར་དང་འབྲུའི་ཆར་རབ་ཏུ་བབ་བོ། །འདི་ལྟ་སྟེ་ཏིལ་དང་། འབྲས་ཐུག་པོ་ཆེ་དང་། མོན་སྲན་གྲེའུ་དང་། མོན་སྲན་དཀར་རུ་དང་། ནས་དང་། གྲོ་དང་། སྲན་ཆུང་དང་། འབྲས་སཱ་ལུ་དང་། འབྲུའི་རིགས་ཐམས་ཅད་དང་ཞག་བདུན་དུ་
D350.076.0055a06.01མར་སར་གྱི་ཆར་བབ་བོ། །ཞག་བདུན་དུ་ཏིལ་མར་གྱི་ཆར་བབ་བོ། །ཞག་བདུན་དུ་བེའུ་རས་ཀྱི་ཆར་བབ་བོ། །ཞག་བདུན་དུ་ཟས་རྣམ་པ་སྣ་ཚོགས་ཀྱི་ཆར་བབ་བོ། །ཞག་བདུན་དུ་རིན་པོ་ཆེ་སྣ་བདུན་ལ། གསེར་དང་། དངུལ་དང་། ཤེལ་དང་། བཻ་དཱུརྱ་དང་། མུ་ཏིག་དམར་པོ་དང་།
D350.076.0055a07.01