完整藏文原文 · 德格版页 当前仅加载第 76 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་དྲིར་ཅི་ཡོད་ཅེས་སྨྲས་སོ། །བློན་པོ་རྣམས་ཀྱིས་སྨྲས་པ། བདག་ཅག་གི་ཡུལ་དུ་འོངས་པས་ན་བདག་ཅག་གིས་དྲི་བར་རིགས་ཀྱི་མི་འདྲི་བ་མ་ཡིན་ནོ་ཞེས་བློན་པོ་དང་ཡུལ་མི་རྣམས་ཀྱིས་བགྲོས་ཏེ། བྲམ་ཟེ་ལས་བུ་གཉིས་དབྲོག་པར་
D351.076.0068a01.01བྱས་པ་ལས་དེའི་ནང་ན་ཁྱིམ་བདག་གཅིག་གིས་འདི་སྐད་ཅེས་གྲོས་བཏབ་བོ། །འདི་ནི་རྒྱལ་བུས་སྦྱིན་པར་བསམས་ཏེ་བྱིན་པ་འདི་ལ་རྒྱལ་བུས་བསམས་པའི་ཡིད་དང་འགལ་ཞིང་དབྲོག་པར་མི་རིགས་ཀྱི། ཉིས་ན་རྒྱལ་པོ་ཆེན་པོ་ལ་གསོལ་ན། རྒྱལ་པོ་ཆེན་པོ་ཉིད་ཀྱིས་
D351.076.0068a02.01རིན་གྱིས་བླུ་བར་འགྱུར་རོ་ཞེས་བྱས་པ་དང་། གྲོས་སྔ་མ་བཏང་ནས་བློན་པོ་རྣམས་ཀྱིས་རྒྱལ་པོ་ལ་འདི་སྐད་ཅེས་གསོལ་ཏོ། །རྒྱལ་པོ་ཆེན་པོའི་དབོན་པོ་གཉིས་ད་ལྟར་བྲམ་ཟེ་ཞིག་འཚོང་ཞིང་མཆིས་ཅེས་གསོལ་པ་དང་། རྒྱལ་པོས་ཚིག་དེ་ཐོས་མ་ཐག་ཏུ་ཆེར་དངངས་
D351.076.0068a03.01ཏེ་བྲམ་ཟེ་དང་བུ་གཉིས་ཕོ་བྲང་ནང་དུ་ཁྲིད་དེ་ཤོག་ཅིག་ཅེས་བསྒོ་ནས། བུ་གཉིས་ཕོ་བྲང་ནང་དུ་འོངས་པའི་ཚེ་རྒྱལ་པོ་དང་བཙུན་མོ་དང་ཕོ་བྲང་གི་སླས་དང་བློན་པོ་རྣམས་ཀྱིས་བུ་གཉིས་མཐོང་ནས་ཐམས་ཅད་དབུགས་ཀྱིས་བརྣངས་པ་ཙམ་དུ་མ་ངུས་པ་མེད་དོ། །དེ་ནས་རྒྱལ་པོས་
D351.076.0068a04.01བྲམ་ཟེ་དེ་ལ་ཁྱོད་ཀྱིས་བུ་འདི་གཉིས་ཇི་ལྟར་ཐོབ་ཅེས་དྲིས་ན། བྲམ་ཟེ་ན་རེ་བདག་གིས་རྒྱལ་བུ་ལས་བསླངས་ཏེ་ཐོབ་བོ་ཞེས་ཟེར་རོ། །རྒྱལ་པོས་བུས་པ་འདི་གཉིས་བོས་ཏེ། པང་པར་བླང་སྙམ་པ་ལས་བུ་གཉིས་འོང་དུ་མ་བཏུབ་བོ། །དེ་ནས་རྒྱལ་པོས་བུ་འདི་གཉིས་
D351.076.0068a05.01ཀྱི་རིན་ཅི་ཙམ་འདོད་ཅེས་དྲིས་ན། བྲམ་ཟེ་སྨྲ་མ་ཁོམ་པར་ཁྱེའུ་ཡིས་འདི་སྐད་ཅེས་གསོལ་ཏོ། །བདག་བུ་ཕོ་ནི་དངུལ་གྱི་དོང་ཙེ་སྟོང་དང་བ་ལང་བརྒྱ་ཞིག་རིའོ། །བུ་མོ་ནི་གསེར་གྱི་དོང་ཙེ་སྟོང་དང་བ་བཞོན་ཉིས་བརྒྱ་རིའོ་ཞེས་གསོལ་བ་དང་། རྒྱལ་པོས་ཁྱེའུ་ལ་འདི་
D351.076.0068a06.01སྐད་ཅེས་སྨྲས་སོ། །འཇིག་རྟེན་ཆོས་ཀྱིས་མིའི་ནང་ན་ཕོ་ནི་རིན་པོ་ཆེ་དབྱིག་ལྟར་རིན་ཆེ་བ་ཡིན་ན། ཅིའི་ཕྱིར་བུ་ཕོ་ནི་རིན་ཆུང་། བུ་མོ་ནི་རིན་ཆེ་བར་འདེབས། བུ་ཁྱེའུ་ཡིས་གསོལ་པ། ཕོ་བྲང་གི་སླས་ལྟ་བུ་རྒྱལ་པོ་དང་ཉེ་བ་མ་ལགས་ལ། མ་རབས་བྲན་ལས་སླས་སུ་
D351.076.0068a07.01